Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Deuteronomio 14:1-29

14  “Mga anak kamo ni Jehova nga inyong Diyos.+ Dili kamo magsamad+ sa inyong kaugalingon ni magpakiskis+ kamo sa inyong mga agtang tungod sa usa ka minatay.  Kay ikaw usa ka katawhan nga balaan+ alang kang Jehova nga imong Diyos, ug si Jehova nagpili kanimo nga mahimong iyang katawhan, usa ka linaing katigayonan,+ gikan sa tanang mga katawhan nga anaa sa ibabaw sa nawong sa yuta.  “Dili ka magakaon sa bisan unsang dulumtanang butang.+  Kini ang matang sa hayop nga mahimo ninyong kan-on:+ ang baka, ang karnero ug ang kanding,  ang laking osa ug gasela ug binaw+ ug ang ihalas nga kanding ug ang antelope ug ang ihalas nga karnero ug ang gamusa;  ang tanang hayop nga pikas ang kuko ug nabuak sa duha ang kuko, nga nagapangusap sa kinaon taliwala sa kahayopan.+ Kini mahimo ninyong kan-on.  Kining matanga lamang ang dili ninyo pagakan-on gikan niadtong nagapangusap sa kinaon o niadtong pikas ang kuko, buak ang kuko: ang kamelyo+ ug ang liebre+ ug ang koneho sa kabatoan,+ tungod kay kini nagapangusap sa kinaon apan dili pikas ang kuko. Kini mahugaw alang kaninyo.  Ang baboy+ usab, tungod kay pikas ang kuko apan wala magapangusap sa kinaon. Kini mahugaw alang kaninyo. Dili kamo magakaon sa ilang unod, ug dili kamo maghikap sa ilang patayng lawas.+  “Sa tanan nga anaa sa katubigan kining matanga ang mahimo ninyong kan-on: Ang tanang may kapay ug himbis mahimo ninyong kan-on.+ 10  Ug ang tanang walay kapay ug himbis dili ninyo pagakan-on.+ Kini mahugaw alang kaninyo. 11  “Ang bisan unsa nga mahinlo nga langgam mahimo ninyong kan-on. 12  Apan kini ang dili ninyo pagakan-on: ang agila ug ang manaol ug ang itom nga buwitre,+ 13  ug ang pula nga banog ug ang itom nga banog+ ug ang sikop sumala sa iyang matang; 14  ug ang matag uwak+ sumala sa matang niini; 15  ug ang ostrik+ ug ang bukaw ug ang kanaway ug ang banog sumala sa matang niini; 16  ang gamay nga ngiwngiw ug ang taas-ug-dunggan nga ngiwngiw+ ug ang sisne, 17  ug ang pelikano+ ug ang buwitre ug ang kormoran, 18  ug ang cigueña ug ang talabong sumala sa iyang matang, ug ang abubilya ug ang kabog.+ 19  Ug ang matag pak-an nga tigpanon nga linalang mahugaw alang kaninyo.+ Kini dili pagakan-on. 20  Ang bisan unsa nga mahinlo nga naglupad nga linalang mahimo ninyong kan-on. 21  “Dili kamo magakaon sa bisan unsang lawas nga daan nang patay.+ Ikahatag mo kini sa langyaw nga pumoluyo nga anaa sa sulod sa imong mga ganghaan, ug siya magakaon niini; o ikabaligya mo kini sa usa ka langyaw, tungod kay ikaw usa ka katawhan nga balaan alang kang Jehova nga imong Diyos. “Ayaw lat-i ang usa ka nating kanding diha sa gatas sa iyang inahan.+ 22  “Sa walay pakyas ihatag mo ang ikapulo sa tanang abot sa imong binhi, kanang nagagikan sa uma tuigtuig.+ 23  Ug sa atubangan ni Jehova nga imong Diyos, sa dapit nga iyang pagapilion nga papuy-an sa iyang ngalan, imong kan-on ang ikapulong bahin sa imong mga lugas,+ sa imong bag-ong bino ug sa imong lana ug ang mga panganay sa panon sa imong mga baka ug sa imong mga karnero;+ aron makakat-on ka sa pagkahadlok kang Jehova nga imong Diyos sa kanunay.+ 24  “Karon kon ang panaw halayo kaayo alang kanimo,+ tungod kay ikaw dili makaarang sa pagdala niini, sanglit ang dapit nga pagapilion ni Jehova nga imong Diyos aron pagabutangan sa iyang ngalan+ halayo kaayo alang kanimo, (tungod kay si Jehova nga imong Diyos magapanalangin kanimo,)+ 25  nan ilisan mo kini ug salapi, ug pagapuston mo ang salapi sa imong kamot ug moadto ka sa dapit nga pagapilion ni Jehova nga imong Diyos. 26  Ihatag mo usab ang salapi alang sa bisan unsa nga pangandoyon sa imong kalag,+ alang sa mga baka ug sa mga karnero ug sa mga kanding ug sa bino ug sa makahubog nga ilimnon+ ug sa bisan unsa nga pangayoon sa imong kalag kanimo; ug magakaon ka didto sa atubangan ni Jehova nga imong Diyos ug magmaya ka,+ ikaw ug ang imong panimalay. 27  Ug ang Levihanon nga anaa sa sulod sa imong mga ganghaan, dili mo siya pasagdan,+ kay siya walay bahin o panulondon uban kanimo.+ 28  “Pagkatapos sa tulo ka tuig dad-on mo ang tibuok ikapulong bahin sa imong abot nianang tuiga,+ ug ibutang mo kini sa tipiganan sa sulod sa imong mga ganghaan. 29  Ug ang Levihanon,+ tungod kay siya walay bahin o panulondon uban kanimo, ug ang langyaw nga pumoluyo+ ug ang batang ilo-sa-amahan ug ang babayeng balo,+ nga anaa sa sulod sa imong mga ganghaan, moanha, ug sila magakaon ug magpakabusog; aron si Jehova nga imong Diyos magapanalangin+ kanimo sa tanang buhat+ sa imong kamot nga imong pagabuhaton.

Mga Footnote