Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Daniel 12:1-13

12  “Ug nianang panahona si Miguel+ mobarog, ang dakong prinsipe+ nga nagbarog+ alang sa mga anak sa imong katawhan.+ Ug moabot gayod ang usa ka panahon sa kasakit nga ang ingon wala pa ikapahinabo sukad nga may nasod hangtod nianang panahona.+ Ug nianang panahona ang imong katawhan makaikyas,+ ang matag usa nga makaplagang nahisulat diha sa basahon.+  Ug daghan kanila nga natulog sa abog sa yuta ang mahigmata,+ ang uban kanila ngadto sa kinabuhing mohangtod sa panahong walay tino+ ug ang uban kanila ngadto sa kaulawan ug sa kasilag nga mohangtod sa panahong walay tino.+  “Ug ang mga may hait nga salabotan mosidlak sama sa kahayag sa kawanangan;+ ug kadtong mga nagpadangat sa daghan ngadto sa pagkamatarong,+ sama sa mga bituon hangtod sa panahong walay tino, bisan hangtod sa kahangtoran.  “Ug kon bahin kanimo, Oh Daniel, himoa nga tinago ang mga pulong ug timbrehi ang basahon,+ hangtod sa panahon sa kataposan.+ Daghan ang magngadto-nganhi, ug ang matuod nga kahibalo modagaya.”+  Ug nakita ko, ako nga si Daniel, ug, tan-awa! dihay laing duha nga nagbarog,+ ang usa niining tampiha sa sapa ug ang usa niadtong tampiha sa sapa.+  Unya ang usa miingon ngadto sa tawo nga nasul-oban sa lino,+ nga didto sa ibabaw sa katubigan sa sapa: “Unsa ang kadugayon hangtod sa kataposan sa katingalahang mga butang?”+  Ug nadungog ko ang tawo nga nasul-oban sa lino, nga didto sa ibabaw sa katubigan sa sapa, sa dihang iyang giisa ang iyang tuong kamot ug ang iyang walang kamot ngadto sa kalangitan ug nanumpa+ sa ngalan sa Usa nga buhi hangtod sa panahong walay tino:+ “Kini maoy alang sa usa ka tinudlong panahon, tinudlong mga panahon ug katunga.+ Ug sa diha nga matapos na ang pagdugmok sa gahom sa balaang katawhan,+ ang tanan niining mga butanga modangat sa ilang kataposan.”  Karon kon bahin kanako, ako nakadungog, apan wala ako makasabot;+ mao nga ako miingon: “Oh akong ginoo, unsa ang kataposang bahin niining mga butanga?”+  Ug siya miingon: “Lakaw, Daniel, tungod kay ang mga pulong gihimong tinago ug gitimbrehan hangtod sa panahon sa kataposan.+ 10  Daghan ang maghinlo sa ilang kaugalingon+ ug magpaputi sa ilang kaugalingon+ ug mahimong dalisay.+ Ug ang mga daotan tino nga magbuhat sa pagkadaotan,+ ug wala gayoy mga daotan nga makasabot;+ apan ang mga may hait nga salabotan makasabot.+ 11  “Ug sukad sa pagkuha+ sa makanunayong halad+ ug sa pagpahiluna sa dulumtanang butang+ nga nagapahinabog pagkaawaaw, adunay usa ka libo duha ka gatos ug kasiyaman ka adlaw. 12  “Malipayon+ ang usa nga nagpadayon sa pagpaabot ug makadangat sa usa ka libo tulo ka gatos ug katloag-lima ka adlaw! 13  “Ug kon bahin kanimo, magpadayon ka hangtod sa kataposan;+ ug ikaw mopahulay,+ apan ikaw mobarog alang sa imong bahin sa kataposan sa mga adlaw.”+

Mga Footnote