Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Awit ni Solomon 8:1-14

8  “Oh nga ikaw unta mahisama sa akong igsoon nga lalaki,+ nga nagasuso sa dughan sa akong inahan!+ Kon ikaw akong makaplagan sa gawas, ikaw akong halokan.+ Ang mga tawo dili gani motamay kanako.  Iuban ko ikaw, dad-on ko ikaw sa balay sa akong inahan,+ kinsa nagtudlo kanako. Paimnon ko ikaw sa bino nga may yerbang-paalimyon,+ ang bag-ong duga sa mga granada.  Ang iyang walang kamot unlanan sa akong ulo; ug ang iyang tuong kamot —kini mogakos kanako.+  “Gipapanumpa ko kamo, Oh mga anak nga babaye sa Jerusalem, nga dili ninyo palihokon o pukawon ang gugma sa sulod nako hangtod nga kini buot na.”+  “Kinsa kining babaye+ nga miabot gikan sa kamingawan,+ nga nagpauraray sa iyang minahal?”+ “Ilalom sa kahoy nga mansanas gipukaw ko ikaw. Didto ang imong inahan diha sa kaul-ol sa pagpanganak kanimo. Didto siya nga nanganak kanimo nakasinati ug kaul-ol sa pagpanganak.+  “Ibutang ako ingong timbre diha sa imong kasingkasing,+ ingong timbre diha sa imong bukton; kay ang gugma kusganon sama sa kamatayon,+ ang pagpangayog bug-os nga pagkamahinalaron+ sama ka lig-on sa Sheol. Ang mga dinilaab niini maoy mga dinilaab sa kalayo, ang siga ni Jah.+  Ang daghang katubigan dili makaarang sa pagpalong sa gugma,+ ni ang mga suba makabanlas niini.+ Kon ang usa ka tawo maghatag sa tanang bililhong butang sa iyang balay tungod sa gugma, ang mga tawo tinong magtamay niini.”  “Kami adunay igsoong dalagita+ nga wala pay mga dughan. Unsay among buhaton alang sa among igsoong babaye sa adlaw nga siya pangulitawhan?”  “Kon siya usa man ka paril,+ kami magtukod sa ibabaw kaniya ug usa ka salipdanan nga plata; apan kon siya usa man ka pultahan,+ among alihan siya ug tabla nga sedro.” 10  “Ako usa ka paril, ug ang akong mga dughan sama sa mga torre.+ Tungod niini, sa iyang mga mata ako nahisama kaniya nga nakakaplag ug pakigdait. 11  “Dihay usa ka parasan+ nga iya ni Solomon didto sa Baal-hamon. Iyang gitugyan ang parasan ngadto sa mga magbalantay.+ Ang tagsatagsa magdala alang sa mga bunga niini ug usa ka libong pirasong plata. 12  “Ang akong parasan, nga akoa, nailalom sa akong pagbuot. Ang usa ka libo imoha, Oh Solomon, ug ang duha ka gatos alang niadtong nagabantay sa mga bunga niini.” 13  “Oh kamo nga nagpuyo sa mga tanaman,+ ang mga kauban nagpatalinghog sa imong tingog. Padungga ako niana.”+ 14  “Dagan, akong minahal, ug himoa ang imong kaugalingon nga sama sa usa ka gasela o sama sa usa ka nati nga laking osa ibabaw sa kabukiran sa mga yerbang-paalimyon.”+

Mga Footnote