Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Awit ni Solomon 7:1-13

7  “Pagkaanindot sa imong mga tiil diha sa imong mga sandalyas,+ Oh anak nga babaye nga andam moalagad!+ Ang mga kurba sa imong mga paa sama sa mga pahiyas,+ nga ginama sa mga kamot sa usa ka artesano.  Ang imong pusod usa ka malingin nga panaksan. Ayaw itugot nga makulangan kini sa sinagolan nga bino.+ Ang imong tiyan usa ka tapok nga trigo, kinoralan sa mga lirio.+  Ang imong duha ka dughan samag duha ka nati, nga kaluha sa usa ka bayeng gasela.+  Ang imong liog+ sama sa usa ka garing nga torre. Ang imong mga mata+ sama sa mga linaw sa Hesbon,+ sa daplin sa ganghaan sa Bat-rabim. Ang imong ilong sama sa torre sa Lebanon, nga naglantaw ngadto sa Damasco.  Ang imong ulo sama sa Carmelo,+ ug ang mga buhok+ sa imong ulo sama sa balhibo sa karnero nga tininag morado.+ Ang hari nabihag sa mga kulong niini.+  Pagkatahom mo, ug pagkaanindot mo, Oh babayeng hinigugma, taliwala sa tumang mga kalipay!+  Kining imong barog sama sa usa ka kahoyng palma,+ ug ang imong mga dughan+ sama sa mga pungpong sa datiles.  Ako miingon, ‘Mosaka ako sa kahoyng palma, aron akong makuptan ang mga pungango sa datiles niini.’+ Ug, palihog, ang imong mga dughan mahimo untang sama sa mga pungpong sa paras, ug ang kahumot sa imong ilong sama sa mga mansanas,  ug ang imong alingagngag sama sa labing maayo nga bino+ nga nagadagayday sa katanglas+ alang sa akong minahal, nga nagadaligdig sa ngabil sa mga nangatulog.” 10  “Ako iya sa akong minahal,+ ug ako ang iyang gipangandoy.+ 11  Umari ka, Oh akong minahal, mangadto kita sa kapatagan;+ moestar kita taliwala sa mga tanom nga henna.+ 12  Mamangon kita ug sayo ug mangadto sa mga parasan, aron sa pagtan-aw kon namutot na ba ang paras,+ kon namukhad na ba ang mga bulak,+ kon namulak na ba ang mga kahoyng granada.+ Didto ihatag ko ang akong mga pahayag sa pagmahal kanimo.+ 13  Ang mga mandragora+ nagpaalimyon na sa ilang kahumot, ug sa daplin sa atong mga ganghaan anaa ang tanang matang sa labing maayong mga bunga.+ Ang mga bag-o ingon man ang mga daan, Oh akong minahal, gitipigan ko alang kanimo.

Mga Footnote