Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Awit ni Solomon 2:1-17

2  “Ako usa lamang ka safron+ sa patag+ daplin sa baybayon, usa ka lirio sa ubos nga kapatagan.”+  “Sama sa usa ka lirio taliwala sa tunokong mga bunglayon, mao man usab ang akong hinigugma taliwala sa mga anak nga babaye.”+  “Sama sa kahoyng mansanas+ taliwala sa kakahoyan sa lasang, mao man usab ang akong minahal taliwala sa mga anak nga lalaki.+ Ang iyang landong gitinguha ko pag-ayo, ug didto milingkod ako, ug ang iyang bunga matam-is sa akong alingagngag.  Gidala niya ako sa balay sa bino,+ ug ang gugma+ mao ang iyang bandila+ ibabaw nako.  Palagsika ninyo ako pinaagi sa mga tinapay nga pasas,+ pakan-a ako ug mga mansanas; kay ako nagmasakiton tungod sa gugma.+  Ang iyang walang kamot giunlanan sa akong ulo; ug ang iyang tuong kamot—kini naggakos kanako.+  Gipapanumpa ko kamo,+ Oh mga anak nga babaye sa Jerusalem, pinaagi sa mga bayeng gasela+ o pinaagi sa mga bayeng osa+ sa kapatagan, nga dili ninyo palihokon o pukawon ang gugma sa sulod nako hangtod nga kini buot na.+  “Ang tingog sa akong minahal!+ Tan-awa! Siya nagasingabot,+ nagatungas sa kabukiran, nagaluksolukso sa kabungtoran.  Ang akong minahal sama sa usa ka gasela+ o sa nati nga laking osa. Tan-awa! Siya nagabarog luyo sa among paril, nagatan-aw diha sa mga bentana, nagalili diha sa mga rehas-rehas.+ 10  Ang akong minahal mitubag ug miingon kanako, ‘Tindog, akong hinigugma, ang akong matahom,+ ug manglakaw kita.+ 11  Kay, tan-awa! ang ting-ulan+ miagi na, ang ulan tapos na, kini wala na. 12  Ang kabulakan nanungha sa yuta,+ miabot na ang panahon sa pagpung-ol sa paras,+ ug ang tingog sa tukmo+ nadungog sa atong yuta. 13  Kon bahin sa kahoyng igos,+ kini nagpahinog sa sayong mga igos niini;+ ug ang mga paras namulak, sila nagpaalimyon sa ilang kahumot. Tindog, umari ka, Oh akong hinigugma,+ ang akong matahom, ug manglakaw kita. 14  Oh akong salampati+ nga anaa sa mga tagoanan sa pangpang, sa natagong dapit sa titip nga agianan, ipakita kanako ang imong panagway,+ padungga ako sa imong tingog, kay ang imong tingog makapahimuot ug ang imong panagway matahom.’”+ 15  “Dakpa ninyo ang mga iro nga ihalas+ alang kanamo, ang gagmayng mga iro nga ihalas nga nagadaot sa mga parasan, sanglit ang among parasan namulak na.”+ 16  “Ang akong minahal akoa ug ako iyaha.+ Siya nagabantay sa kahayopan+ taliwala sa mga lirio.+ 17  Hangtod nga ang adlaw magpahuyohoy ug ang landong mahanaw, balik, Oh akong minahal; manig-ingon sa gasela+ o sa nati nga laking osa ibabaw sa kabukiran sa panagbulag.

Mga Footnote