Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Amos 8:1-14

8  Mao kini ang gipakita kanako sa Soberanong Ginoong Jehova, ug, tan-awa! dihay usa ka bukag sa mga bunga sa ting-init.+  Unya siya miingon: “Unsay imong nakita,+ Amos?” Busa ako miingon: “Usa ka bukag sa mga bunga sa ting-init.”+ Ug si Jehova miingon kanako: “Ang kataposan miabot na sa akong katawhang Israel.+ Dili na ako magpasaylo pa kanila.+  ‘Ug ang mga awit sa templo mahimong usa ka pagtiyabaw nianang adlawa,’+ mao ang giingon sa Soberanong Ginoong Jehova. ‘Daghan unya ang mga patayng lawas.+ Sa tanang dapit igasalibay sila—hilom!’  “Patalinghogi kini, kamo nga namanghag sa usa ka kabos,+ aron hanawon ang mga maaghop sa yuta,+  nga nag-ingon, ‘Kanus-a pa ba molabay ang bag-ong bulan+ ug kita makabaligyag mga lugas?+ Ingon man, ang igpapahulay,+ ug kita makabaligyag mga lugas; aron pagamyon ang ephah+ ug padak-on ang siklo ug paglimbong sa timbangan nga limbongan;+  aron paliton ang mga tawong timawa pinaagi lamang sa plata ug ang kabos sa bili sa usa ka paris nga sandalyas, ug aron atong ikabaligya ang mga biya nga lugas?’+  “Si Jehova nanumpa pinaagi sa Pagkalabaw ni Jacob,+ ‘Dili ko gayod kalimtan ang tanan nilang binuhatan.+  Dili ba tungod niini nga ang yuta pagasamokon,+ ug ang tanang molupyo niini magbangotan;+ ug ang kinatibuk-an niini motubo gayod sama sa Nilo ug ihandos-handos ug mohubas sama sa Nilo sa Ehipto?’+  “‘Ug mahitabo gayod nianang adlawa,’ mao ang giingon sa Soberanong Ginoong Jehova, ‘nga pasalopon ko ang adlaw sa udtong tutok,+ ug pangitngitan ko ang yuta sa mahayag nga adlaw. 10  Ug ang inyong mga pista himoon ko nga pagbangotan+ ug ang tanan ninyong awit himoon ko nga awit sa pagbangotan, ug sul-oban ko ug sakong panapton ang tanang balat-ang ug upawan ang tagsatagsa ka ulo;+ ug ang kahimtang himoon ko nga sama sa pagbangotan alang sa bugtong anak,+ ug ang kataposan niini sama sa usa ka adlaw nga mapait.’ 11  “‘Tan-awa! Ang mga adlaw moabot,’ mao ang giingon sa Soberanong Ginoong Jehova, ‘ug ako magpadalag gutom sa yuta, usa ka gutom, dili sa tinapay, ug usa ka kauhaw, dili sa tubig, kondili sa pagpatalinghog sa mga pulong ni Jehova.+ 12  Ug sila magsusapinday gayod gikan sa usa ka dagat ngadto sa laing dagat, ug gikan sa amihanan hangtod sa silangan. Sila magngadto-nganhi samtang mangita sa pulong ni Jehova, apan sila dili makakaplag niini.+ 13  Nianang adlawa ang maanyag nga mga ulay panguyapan, ingon man usab ang batan-ong mga lalaki, tungod sa kauhaw;+ 14  sila nga nanumpa tungod sa pagkasad-an sa Samaria,+ ug nag-ingon: “Ingon nga ang imong diyos buhi, Oh Dan!”+ ug, “Ingon nga ang dalan sa Beer-seba+ buhi!” Ug sila mangapukan gayod, ug sila dili na makabangon pag-usab.’”+

Mga Footnote