Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Amos 7:1-17

7  Mao kini ang gipakita kanako sa Soberanong Ginoong Jehova, ug, tan-awa! gipatungha niya ang usa ka panon sa mga dulon sa sinugdan sa pag-abot sa ulahing pagpugas.+ Ug, tan-awa! kadto mao ang ulahing pagpugas human magalab ang balili sa hari.  Ug nahitabo nga human makaon niini ang katanoman sa yuta, ako miingon: “Oh Soberanong Ginoong Jehova, palihog, pasayloa.+ Kinsa ang motindog nga iya ni Jacob? Kay siya gamay man!”+  Si Jehova nagbasol mahitungod niini.+ “Kini dili mahitabo,” miingon si Jehova.  Mao kini ang gipakita kanako sa Soberanong Ginoong Jehova, ug, tan-awa! ang Soberanong Ginoong Jehova nagtawag ug usa ka pakigtigi pinaagi sa kalayo;+ ug kini naglamoy sa dakong halawom nga katubigan ug milamoy sa luna sa yuta.  Ug ako miingon: “Oh Soberanong Ginoong Jehova, palihog, hunong una.+ Kinsa ang motindog nga iya ni Jacob? Kay siya gamay man!”+  Si Jehova nagbasol mahitungod niini.+ “Kana, usab, dili mahitabo,” miingon ang Soberanong Ginoong Jehova.  Mao kini ang iyang gipakita kanako, ug, tan-awa! si Jehova nagtindog diha sa usa ka paril nga hinimo pinaagi sa usa ka tunton,+ ug may usa ka tunton sa iyang kamot.  Unya si Jehova miingon kanako: “Unsay imong nakita, Amos?” Busa ako miingon: “Usa ka tunton.” Ug si Jehova miingon: “Ania, ako magpahimutang ug usa ka tunton sa taliwala sa akong katawhang Israel.+ Dili na ako magpasaylo pa niini.+  Ug ang hatag-as nga mga dapit ni Isaac+ mahimong biniyaan, ug ang mga sangtuwaryo+ sa Israel mangagun-ob;+ ug ako motindog batok sa balay ni Jeroboam uban ang usa ka espada.”+ 10  Ug si Amazias nga saserdote sa Bethel+ nagpasugo ngadto kang Jeroboam+ nga hari sa Israel, nga nag-ingon: “Si Amos nakigkunsabo batok kanimo sa sulod mismo sa balay sa Israel.+ Ang yuta dili makaantos sa tanan niyang pulong.+ 11  Kay mao kini ang giingon ni Amos, ‘Pinaagi sa espada mamatay si Jeroboam; ug mahitungod sa Israel, kini madestiyero gayod gikan sa kaugalingon niyang yuta.’”+ 12  Ug si Amazias miingon kang Amos: “Oh bisyonaryo,+ lakaw, kalagiw ngadto sa yuta sa Juda, ug didto kaon ug tinapay, ug didto makapanagna ka. 13  Apan ayaw na gayod panagna pa sa Bethel,+ kay kini mao ang sangtuwaryo sa usa ka hari+ ug kini mao ang balay sa usa ka gingharian.” 14  Unya si Amos mitubag ug miingon kang Amazias: “Ako dili usa ka manalagna, ni ako anak sa usa ka manalagna;+ apan ako usa ka tig-alima sa mga hayop+ ug tigtudyok sa mga igos sa kahoyng sikomoro. 15  Ug ako gikuha ni Jehova gikan sa pagkamagbalantay sa panon sa mga hayop, ug si Jehova miingon kanako, ‘Lakaw, panagna ngadto sa akong katawhang Israel.’+ 16  Ug karon patalinghogi ang pulong ni Jehova, ‘Ikaw ba nag-ingon: “Dili ka gayod managna batok sa Israel,+ ug dili ka gayod magpadangat ug pulong+ batok sa balay ni Isaac”? 17  Busa mao kini ang giingon ni Jehova: “Mahitungod sa imong asawa, siya mahimong pampam diha sa siyudad.+ Ug mahitungod sa imong mga anak nga lalaki ug sa imong mga anak nga babaye, sila mangapukan pinaagi sa espada. Ug mahitungod sa imong yuta, pinaagi sa igsusukod nga pisi kini bahinbahinon. Ug mahitungod kanimo, ikaw mamatay sa yuta nga mahugaw;+ ug mahitungod sa Israel, kini madestiyero gayod gikan sa iyang kaugalingong yuta.”’”+

Mga Footnote