Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Amos 4:1-13

4  “Patalinghogi kining pulonga, kamong mga baka sa Basan,+ nga anaa ibabaw sa bukid sa Samaria,+ nga nanikas sa mga timawa,+ nga nagdaogdaog sa mga kabos, nga nag-ingon sa ilang mga agalon, ‘Pagdala, ug manginom kita!’  Ang Soberanong Ginoong Jehova nanumpa pinaagi sa iyang pagkabalaan,+ ‘“Tan-awa! Adunay mga adlaw nga modangat kaninyo, ug kamo iyang bitaron gayod pinaagi sa kaw-it sa mangingihaw ug ang mahibilin kaninyo pinaagi sa mga taga.+  Ug sa mga gawang kamo mogula,+ ang matag usa moderetso sa unahan; ug kamo isalibay gayod ngadto sa Harmon,” mao ang giingon ni Jehova.’  “‘Pangadto kamo sa Bethel ug paghimog kalapasan.+ Didto sa Gilgal paghimog kalapasan kanunay,+ ug sa buntag dad-a ang inyong mga halad; sa ikatulo ka adlaw, ang inyong mga ikapulo.+  Ug gikan nianang may lebadura pagpaaso kamo ug halad-sa-pagpasalamat,+ ug imantala ang kinabubut-ong mga halad;+ imantala kini, kay ingon niana ang inyong gihigugma, Oh mga anak sa Israel,’+ mao ang giingon sa Soberanong Ginoong Jehova.  “‘Ug ako usab, sa akong bahin, naghatag kaninyo ug kahinlo sa mga ngipon+ diha sa tanan ninyong siyudad ug kakulang sa tinapay diha sa tanan ninyong dapit;+ apan wala kamo mobalik kanako,’+ mao ang giingon ni Jehova.  “‘Ug bahin kanako, gipugngan ko usab ang ulan gikan kaninyo sa dihang tulo pa ka bulan sa dili pa ang ting-ani;+ ug gipaulan nako sa usa ka siyudad, apan sa laing siyudad wala nako paulana. Dihay usa ka luna sa yuta nga gipaulanan, apan ang laing luna sa yuta nga wala nako paulani nauga.+  Ug duha o tulo ka siyudad nagsusapinday paingon sa usa ka siyudad aron sa pag-inom ug tubig,+ ug sila wala matagbaw; apan kamo wala mobalik kanako,’+ mao ang giingon ni Jehova.  “‘Gihampak ko kamo pinaagi sa makapagba nga kainit ug sa agup-op.+ Midaghan ang inyong mga tanaman ug ang inyong mga parasan, apan ang inyong mga kahoyng igos ug ang inyong mga kahoyng olibo gipangaon sa hantatawo;+ bisan pa niana kamo wala mobalik kanako,’+ mao ang giingon ni Jehova. 10  “‘Nagpadala ako sa inyong taliwala ug kamatay sama niadtong sa Ehipto.+ Pinaagi sa espada gipatay ko ang inyong batan-ong mga lalaki,+ apil ang pagbihag sa inyong mga kabayo.+ Ug gipaalisbo ko ang kabaho sa inyong mga kampo nganha mismo sa inyong mga ilong;+ apan kamo wala mobalik kanako,’+ mao ang giingon ni Jehova. 11  “‘Ako nanglumpag sa inyong taliwala, sama sa paglumpag sa Diyos sa Sodoma ug Gomora.+ Ug kamo nahisama sa usa ka agipo nga gisakmit gikan sa pagkasunog;+ apan kamo wala mobalik kanako,’+ mao ang giingon ni Jehova. 12  “Busa mao kana ang buhaton ko kanimo, Oh Israel. Ug sanglit buhaton ko man kining butanga nganha kanimo, pangandam sa pag-atubang sa imong Diyos,+ Oh Israel. 13  Kay, tan-awa! ang Mag-uumol sa kabukiran+ ug ang Maglalalang sa hangin,+ ang Usa nga nagsulti sa yutan-ong tawo kon unsa ang iyang hunahuna,+ ug ang Usa nga naghimo sa kaadlawon nga kangitngit,+ ug ang Usa nga nagtunob sa hatag-as nga mga dapit sa yuta,+ si Jehova nga Diyos sa mga panon mao ang iyang ngalan.”+

Mga Footnote