Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Amos 2:1-16

2  “Mao kini ang giingon ni Jehova, ‘“Tungod sa tulo ka pag-alsa sa Moab,+ ug tungod sa upat, dili ko kini isibog, tungod sa iyang pagsunog sa mga bukog sa hari sa Edom aron mahimong apog.+  Ug ako magpadalag kalayo ngadto sa Moab, ug lamyon niini ang mga puloy-anang torre sa Keriot;+ ug uban ang kabanha ang Moab mamatay, uban ang pasidaan, uban ang tingog sa budyong.+  Ug laglagon ko ang maghuhukom gikan sa iyang taliwala, ug ang tanan niyang mga prinsipe akong patyon uban kaniya,”+ miingon si Jehova.’  “Mao kini ang giingon ni Jehova, ‘Tungod sa tulo ka pag-alsa sa Juda,+ ug tungod sa upat, dili ko kini isibog, tungod sa ilang pagsalikway sa balaod ni Jehova,+ ug tungod kay wala nila tumana ang kaugalingon niyang mga regulasyon; apan ang ilang mga bakak,+ nga gisunod sa ilang mga katigulangan, nagpahisalaag kanila.+  Ug ako magpadalag kalayo ngadto sa Juda, ug lamyon niini ang mga puloy-anang torre sa Jerusalem.’+  “Mao kini ang giingon ni Jehova, ‘Tungod sa tulo ka pag-alsa sa Israel,+ ug tungod sa upat, dili ko kini isibog, tungod kay gibaligya nila ang matarong alang lamang sa plata, ug ang kabos alang sa bili sa usa ka paris nga sandalyas.+  Ilang gitinguha uyamot ang abog sa yuta ibabaw sa ulo sa mga timawa;+ ug ang dalan sa mga tawong maaghop ilang gisalikway;+ ug ang usa ka tawo ug ang iyang amahan miadto sa mao ra nga babaye,+ aron pasipalahan ang akong balaang ngalan.+  Ug diha sa mga besti nga gisakmit ingong garantiya sila nanghigda+ sa kiliran sa matag halaran;+ ug ang bino niadtong gimultahan ilang giinom sa balay sa ilang mga diyos.’+  “‘Apan bahin kanako, gilaglag ko ang mga Amorihanon+ tungod kanila, kansang gihabogon sama sa gihabogon sa mga sedro, ug kinsa kusganon sama sa nagbuntaog nga mga kahoy;+ ug gilaglag ko ang iyang mga bunga sa ibabaw ug ang iyang mga gamot sa ilalom.+ 10  Ug gipagawas ko kamo gikan sa yuta sa Ehipto,+ ug gipalakaw ko kamo sa kamingawan sulod sa kap-atan ka tuig,+ aron mapanag-iya ang yuta sa mga Amorihanon.+ 11  Ug gipatindog ko ang pipila sa inyong mga anak ingong mga manalagna+ ug ang pipila sa inyong batan-ong mga lalaki ingong mga Nazareo.+ Dili ba gayod kini angayng mahitabo, Oh mga anak sa Israel?’ mao ang giingon ni Jehova. 12  “‘Apan ang mga Nazareo inyong gisigehan paghatag ug bino nga mainom,+ ug inyong gimandoan ang mga manalagna, nga nag-ingon: “Ayaw kamo panagna.”+ 13  Ania, pakindangkindangon ko ang anaa sa ilalom ninyo, ingon sa pagkindangkindang sa karomata nga puno sa lumbay sa bag-ong pinutol nga uhay. 14  Ug ang usa ka dapit nga makalagiwan mahanaw gikan sa tawong matulin,+ ug walay tawong kusgan nga makapalig-on sa iyang gahom, ug walay tawong gamhanan nga makapalingkawas sa iyang kalag.+ 15  Ug walay naggamit ug pana nga makabarog, ug walay matulin ug mga tiil nga makaikyas, ug walay nagsakay sa kabayo nga makapalingkawas sa iyang kalag.+ 16  Ug bahin kaniya nga malig-on ug kasingkasing taliwala sa mga tawong gamhanan, siya mokalagiw nga hubo nianang adlawa,’+ mao ang giingon ni Jehova.”

Mga Footnote