Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

3 Juan 1:1-14

 Ang ansiyano+ nganha kang Gayo nga hinigugma, kinsa sa pagkatinuod akong gihigugma.+  Hinigugma,+ ako nagaampo nga sa tanang butang ikaw unta magmauswagon+ ug makabaton ug maayong panglawas,+ ingon nga ang imong kalag nagmauswagon.+  Kay ako nagmaya pag-ayo sa dihang miabot ang mga igsoon ug nagpamatuod sa kamatuoran nga imong nahuptan, ingon nga ikaw nagpadayon sa paglakaw diha sa kamatuoran.+  Wala nay labaw nga hinungdan sa akong pagkamapasalamaton kay niining mga butanga, nga akong madungog nga ang akong mga anak nagpadayon sa paglakaw diha sa kamatuoran.+  Hinigugma, ikaw nagabuhat sa matinumanong buluhaton sa bisan unsa nga imong ginabuhat alang sa mga igsoon,+ ug bisan sa mga estranyo,+  kinsa nagpamatuod sa imong gugma atubangan sa kongregasyon. Pagikana sila nga may kahimuot sa paagi nga takos sa Diyos.+  Kay tungod sa iyang ngalan nga sila nanglakaw, nga wala magkuhag bisan unsa+ gikan sa mga tawo sa kanasoran.  Busa, atong obligasyon nga abiabihon ang maong mga tawo,+ aron kita mahimong mga isigkamagbubuhat diha sa kamatuoran.+  May gisulat ako sa kongregasyon, apan si Diotrefes, nga gustong makabaton sa unang dapit+ taliwala kanila, wala modawat sa bisan unsa+ gikan kanamo nga may pagtahod.+ 10  Busa, kon ako makaanha na, hinumdoman ko ra unya ang iyang mga buhat nga padayon niyang ginabuhat,+ nga nagayawit bahin kanamo pinaagi sa daotang mga pulong.+ Dugang pa, kay wala makontento niining mga butanga, wala usab niya dawata ang mga igsoon+ nga may pagtahod, ug kadtong buot modawat+ kanila iyang gibabagan+ ug gipapahawa+ sa kongregasyon. 11  Hinigugma, mahimong tigsundog, dili sa daotan, kondili sa maayo.+ Siya nga nagabuhat sa maayo nagagikan sa Diyos.+ Siya nga nagabuhat sa daotan wala makakita sa Diyos.+ 12  Si Demetrio gipamatud-an nilang tanan+ ug sa kamatuoran mismo. Ngani, kami, usab, nagpamatuod,+ ug ikaw nahibalo nga ang among pagpamatuod maoy tinuod.+ 13  Daghan pa ako ug isulat kanimo, apan dili ko buot nga magpadayon sa pagsulat kanimo pinaagi sa tinta ug sa pluma.+ 14  Apan naglaom ako nga makita ka dayon, ug kita magsultihanay nga nawong sa nawong.+ Hinaot nga ikaw adunay kalinaw.+ Ang mga higala nangomosta kanimo.+ Ipangomosta ako+ sa mga higala sumala sa ngalan.

Mga Footnote