Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Tesalonica 1:1-12

1  Si Pablo ug si Silvano ug si Timoteo+ nganha sa kongregasyon sa mga taga-Tesalonica nga nahiusa sa Diyos nga atong Amahan ug sa Ginoong Jesu-Kristo:  Hinaot nga kamo adunay dili-takos nga kalulot ug kalinaw gikan sa Diyos nga Amahan ug sa Ginoong Jesu-Kristo.+  Kami obligado nga magpasalamat kanunay sa Diyos alang kaninyo,+ mga igsoon, ingon nga maoy nahiangay, tungod kay ang inyong pagtuo nagatubo+ sa hilabihan ug ang gugma sa matag usa ug ninyong tanan nagauswag ngadto sa usag usa.+  Busa kami nagpasigarbo+ kaninyo taliwala sa mga kongregasyon sa Diyos tungod sa inyong paglahutay ug pagtuo diha sa tanan ninyong mga paglutos ug sa mga kasakitan nga inyong giantos.+  Kini maoy pamatuod sa matarong nga paghukom sa Diyos,+ nga motultol sa pag-isip kaninyo nga takos sa gingharian sa Diyos,+ nga alang niini kamo sa pagkatinuod nagaantos.+  Ginatagad dinhi nga matarong sa bahin sa Diyos nga mobalos ug kasakitan niadtong nagsakit kaninyo,+  apan, kaninyo nga nag-antos ug kasakitan, kahupayan uban kanamo inigpadayag+ na sa Ginoong Jesus gikan sa langit uban sa iyang gamhanang mga manulonda+  sa nagdilaab nga kalayo, sa dihang siya manimalos+ kanilang wala makaila sa Diyos+ ug kanilang wala magsunod+ sa maayong balita bahin sa atong Ginoong Jesus.+  Kini sila makaagom sa hudisyal nga silot+ sa walay kataposang kalaglagan+ gikan sa atubangan sa Ginoo ug gikan sa himaya sa iyang kusog,+ 10  sa panahon nga siya moabot aron pagahimayaon labot sa iyang mga balaan+ ug pagakatingad-an nianang adlawa labot niadtong tanan nga nagpasundayag ug pagtuo, tungod kay ang pagpamatuod nga among gihatag gituohan man sa inyong taliwala. 11  Tungod niana kami gayod nagaampo kanunay alang kaninyo, aron ang atong Diyos mag-isip kaninyo nga takos sa iyang pagtawag+ ug sa bug-os maghimo sa tanang gikahimut-an niya sa pagkamaayo ug sa buhat sa pagtuo uban ang gahom; 12  aron nga ang ngalan sa atong Ginoong Jesus mahimaya diha kaninyo,+ ug kamo mahiusa+ kaniya, sumala sa dili-takos nga kalulot+ sa atong Diyos ug sa atong Ginoong Jesu-Kristo.

Mga Footnote