Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Samuel 9:1-13

9  Ug si David miingon: “Aduna pa bay nahibilin sa balay ni Saul, aron ipakita ko kaniya ang mahigugmaong-kalulot+ tungod kang Jonatan?”+  Karon ang balay ni Saul may sulugoon nga ginganlag Ziba.+ Busa ilang gipatawag siya ngadto kang David, ug unya ang hari miingon kaniya: “Ikaw ba si Ziba?” nga niini siya miingon: “Ako ang imong sulugoon.”  Ug ang hari miingon: “Wala na bay si bisan kinsa sa balay ni Saul, aron ipakita ko kaniya ang mahigugmaong-kalulot sa Diyos?”+ Niini si Ziba miingon sa hari: “Aduna pay anak nga lalaki si Jonatan, nga usa ka bakol.”+  Unya ang hari miingon kaniya: “Hain siya?” Busa si Ziba miingon sa hari: “Tan-awa! Atua siya sa balay ni Makir+ nga anak nga lalaki ni Amiel sa Lo-debar.”+  Dihadiha si Haring David nagpasugo ug nagpakuha kaniya gikan sa balay ni Makir nga anak nga lalaki ni Amiel sa Lo-debar.  Sa dihang si Mepiboset nga anak nga lalaki ni Jonatan nga anak nga lalaki ni Saul nakaabot kang David, siya dihadiha miyukbo ug mihapa.+ Unya si David miingon: “Mepiboset!” nga niini siya miingon: “Ania ang imong sulugoon.”  Ug si David miingon kaniya: “Ayaw kahadlok, kay sa walay pakyas ako magpakita ug mahigugmaong-kalulot+ kanimo tungod kang Jonatan nga imong amahan;+ ug akong iuli kanimo ang tanang yuta+ ni Saul nga imong apohan, ug ikaw magakaon ug tinapay sa akong lamesa sa kanunay.”+  Niana siya mihapa ug miingon: “Unsa ba ang imong sulugoon, nga ikaw naglingi man sa patay nga iro+ sama kanako?”  Karon gitawag sa hari si Ziba, ang tig-alagad ni Saul, ug miingon kaniya: “Ang tanan nga gipanag-iya kaniadto ni Saul ug sa tibuok niyang balay akong gihatag+ sa apo sa imong agalon. 10  Ug ikaw magatikad sa yuta alang kaniya, ikaw ug ang imong mga anak nga lalaki ug ang imong mga sulugoon, ug imong hiposon ang mga abot, ug magsilbi kining pagkaon alang kanila nga iya sa apo sa imong agalon, ug sila mangaon; apan si Mepiboset, ang apo sa imong agalon, magakaon ug tinapay sa akong lamesa sa kanunay.”+ Karon si Ziba may napulog-lima ka anak nga lalaki ug kawhaan ka sulugoon.+ 11  Busa si Ziba miingon sa hari: “Sumala sa tanan nga gisugo sa akong ginoo nga hari alang sa iyang sulugoon mao ang pagabuhaton sa imong sulugoon; apan si Mepiboset+ magakaon sa akong lamesa sama sa usa sa mga anak sa hari.” 12  Karon si Mepiboset may batan-ong anak nga lalaki nga ginganlag Mica,+ ug ang tanang nagpuyo sa balay ni Ziba maoy mga sulugoon ni Mepiboset. 13  Ug si Mepiboset nagpuyo sa Jerusalem, kay sa lamesa man sa hari nga siya nagakaon kanunay;+ ug siya bakol sa duha niya ka tiil.+

Mga Footnote