Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Samuel 4:1-12

4  Sa dihang nadungog sa anak+ ni Saul nga si Abner namatay sa Hebron,+ ang iyang mga kamot naluya+ ug ang tanang Israelinhon natugaw.  Ug dihay duha ka tawo, mga pangulo sa mga pundok sa mga bandido,+ nga iya sa anak ni Saul, ang ngalan sa usa mao si Baana ug ang ngalan sa lain mao si Rekab, mga anak nga lalaki ni Rimon nga Beerotnon, sa mga anak sa Benjamin; kay ang Beerot,+ usab, giisip nga bahin sa Benjamin.  Ug ang mga Beerotnon nangalagiw ngadto sa Gitaim,+ ug nahimo silang langyaw nga mga pumoluyo didto hangtod niining adlawa.  Karon si Jonatan,+ ang anak nga lalaki ni Saul, may anak nga bakol.+ Lima ka tuig ang iyang panuigon sa dihang ang taho bahin kang Saul ug kang Jonatan midangat gikan sa Jezreel;+ ug gidala siya sa iyang iwa ug mikalagiw, apan nahitabo nga sa dihang nagdagan siya sa kalisang aron sa pagkalagiw, siya nahulog ug nabakol. Ug ang iyang ngalan mao si Mepiboset.+  Ug ang mga anak nga lalaki ni Rimon nga Beerotnon, si Rekab ug si Baana, miadto ug miabot sa balay ni Is-boset+ sa dihang hapit nang miinit ang adlaw, samtang nagpahulay siya sa udto.  Ug ania, sila miadto sa taliwala sa balay nga daw ingon sa mga tawo nga nagkuha sa trigo, ug unya ilang gidunggab siya sa tiyan;+ ug wala himatikdi si Rekab ug si Baana+ nga iyang igsoon.  Sa pagsulod nila sa balay, siya naghigda sa iyang higdaanan didto sa iyang sulod nga lawak-katulganan, ug unya gidunggab nila siya mao nga siya ilang napatay,+ nga human niana ilang gipunggotan siya sa ulo+ ug gidala ang iyang ulo ug milakaw diha sa dalan paingon sa Araba sa tibuok gabii.  Sa kataposan nahiabot sila nga nagdala sa ulo ni Is-boset+ ngadto kang David sa Hebron ug miingon sa hari: “Ania ang ulo ni Is-boset nga anak nga lalaki ni Saul nga imong kaaway+ nga nangita sa imong kalag;+ apan si Jehova naghatag sa akong ginoo nga hari ug panimalos+ niining adlawa kang Saul ug sa iyang kaliwat.”  Apan, si David mitubag kang Rekab ug kang Baana nga iyang igsoon, ang mga anak ni Rimon nga Beerotnon, ug miingon kanila: “Ingon nga si Jehova buhi+ nga nagtubos+ sa akong kalag+ gikan sa tanang kasakit,+ 10  sa dihang may nagtaho kanako,+ nga nag-ingon, ‘Ania, si Saul patay na,’ ug siya sa iyang kaugalingong mga mata nahisama sa usa ka tigdalag maayong balita, ako, hinunoa, nagkupot kaniya ug nagpatay+ kaniya didto sa Ziklag sa dihang angay unta alang kanako nga maghatag kaniya ug bayad alang sa usa ka mensahero; 11  unsa pa kaha kon ang mga tawong daotan+ nagpatay sa tawong matarong sulod sa iyang balay diha sa iyang higdaanan? Ug karon dili ba ako maningil sa iyang dugo gikan sa inyong mga kamot,+ ug dili ba ako magpapas kaninyo gikan sa yuta?”+ 12  Niana gisugo ni David ang mga batan-ong lalaki ug ilang gipatay sila+ ug giputol ang ilang mga kamot ug ang ilang mga tiil ug gibitay+ sila sa daplin sa linaw sa Hebron; ug ang ulo ni Is-boset ilang gikuha ug gilubong sa lubnganan ni Abner sa Hebron.+

Mga Footnote