Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Hari 24:1-20

24  Sa iyang mga adlaw si Nabucodonosor+ nga hari sa Babilonya mitungas, ug busa si Jehoiakim nahimong iyang alagad+ sulod sa tulo ka tuig. Apan, siya misumbalik ug misukol batok kaniya.  Ug si Jehova nagpadala batok kaniya ug mga pundok sa mga bandido nga Caldeanhon+ ug mga pundok sa mga bandido nga Siryanhon ug mga pundok sa mga bandido nga Moabihanon+ ug mga pundok sa mga bandido nga mga anak ni Ammon, ug siya nagpadayon pagpadala kanila batok sa Juda aron sa paglaglag niini, sumala sa pulong ni Jehova+ nga iyang gisulti pinaagi sa iyang mga alagad nga mga manalagna.  Pinaagi lamang sa mando ni Jehova nga kini nahitabo batok sa Juda, aron wagtangon+ kini gikan sa iyang panan-aw tungod sa mga sala ni Manases,+ sumala sa tanan nga iyang gibuhat;  ug usab tungod sa inosenteng dugo+ nga iyang giula, nga sa ingon iyang gipuno ang Jerusalem sa inosenteng dugo, ug si Jehova wala motugot sa paghatag ug kapasayloan.+  Kon bahin sa ubang mga kalihokan ni Jehoiakim+ ug sa tanan nga iyang gihimo, wala ba sila mahisulat sa basahon+ sa mga kalihokan sa mga adlaw sa mga hari sa Juda?  Sa kataposan si Jehoiakim natulog uban sa iyang mga katigulangan,+ ug si Jehoiakin nga iyang anak nga lalaki misugod sa paghari puli niya.  Ug ang hari sa Ehipto wala na gayod mogula pag-usab+ gikan sa iyang yuta,+ tungod kay gikuha na sa hari sa Babilonya ang tanan nga iyaha sa hari sa Ehipto+ gikan sa bul-oganang walog+ sa Ehipto hangtod sa suba sa Euprates.+  Napulog-walo ka tuig ang panuigon ni Jehoiakin+ sa dihang siya misugod sa paghari, ug sulod sa tulo ka bulan siya naghari sa Jerusalem.+ Ug ang ngalan sa iyang inahan maoy Nehusta nga anak nga babaye ni Elnatan sa Jerusalem.  Ug siya nagpadayon pagbuhat kon unsay daotan sa mga mata ni Jehova, sumala sa tanan nga gibuhat sa iyang amahan.+ 10  Nianang panahona ang mga alagad ni Nabucodonosor nga hari sa Babilonya mitungas sa Jerusalem, mao nga gilikosan ang siyudad.+ 11  Ug si Nabucodonosor nga hari sa Babilonya miadto batok sa siyudad, samtang gilikosan kini sa iyang mga alagad.+ 12  Sa ulahi si Jehoiakin nga hari sa Juda miadto sa hari sa Babilonya,+ siya uban sa iyang inahan+ ug sa iyang mga alagad ug sa iyang mga prinsipe ug sa iyang mga opisyal sa palasyo; ug nadakpan siya sa hari sa Babilonya sa ikawalo+ ka tuig sa iyang pagkahari. 13  Unya gikan didto iyang gipagawas ang tanang bahandi sa balay ni Jehova ug ang mga bahandi sa balay sa hari,+ ug gipamutolputol ang tanang bulawan nga galamiton+ nga hinimo ni Solomon nga hari sa Israel sa templo ni Jehova, ingon sa gisulti ni Jehova. 14  Ug iyang gidestiyero+ ang tibuok Jerusalem ug ang tanang prinsipe+ ug ang tanang maisog, gamhanan+ nga mga tawo—napulo ka libo iyang gidestiyero—ug usab ang tanang artesano+ ug magtutukod ug mga kuta. Walay usa nga nahibilin gawas sa timawa+ nga mga tawo sa yuta. 15  Busa iyang gidestiyero si Jehoiakin+ ngadto sa Babilonya;+ ug ang inahan sa hari+ ug ang mga asawa sa hari ug ang iyang mga opisyal sa palasyo+ ug ang mga kadagkoan sa yuta iyang gidala ingong destiyero gikan sa Jerusalem ngadto sa Babilonya. 16  Kon bahin sa tanang maisog nga tawo, pito ka libo, ug ang mga artesano ug ang mga magtutukod ug mga kuta, usa ka libo, ang tanang tawong gamhanan nga nagapakiggubat, ang hari sa Babilonya nagdala kanila ingong destiyero ngadto sa Babilonya.+ 17  Dugang pa, ang hari sa Babilonya+ naghimo nga hari kang Matanias nga iyang uyoan+ puli kaniya. Unya iyang giilisan ang iyang ngalan ug Zedekias.+ 18  Kawhaag-usa ka tuig ang panuigon ni Zedekias+ sa dihang siya misugod sa paghari, ug sulod sa napulog-usa ka tuig siya naghari sa Jerusalem. Ug ang ngalan sa iyang inahan maoy Hamutal+ nga anak nga babaye ni Jeremias nga taga-Libna. 19  Ug siya nagpadayon sa pagbuhat kon unsay daotan sa mga mata ni Jehova, sumala sa tanan nga gibuhat ni Jehoiakim.+ 20  Kay tungod sa kasuko+ ni Jehova kini nahitabo sa Jerusalem ug sa Juda, hangtod nga iyang gisalikway sila gikan sa iyang panan-aw.+ Ug si Zedekias mialsa batok sa hari sa Babilonya.+

Mga Footnote