Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Hari 21:1-26

21  Napulog-duha ka tuig ang panuigon ni Manases+ sa dihang siya misugod sa paghari, ug sulod sa kalim-ag-lima ka tuig siya naghari sa Jerusalem. Ug ang ngalan sa iyang inahan maoy Hepziba.  Ug iyang gibuhat ang daotan sa mga mata ni Jehova,+ sumala sa dulumtanang mga butang sa mga nasod+ nga giabog ni Jehova gikan sa atubangan sa mga anak sa Israel.  Busa iyang gitukod pag-usab ang hatag-as nga mga dapit nga gilaglag ni Ezequias nga iyang amahan,+ ug nagpatindog ug mga halaran alang kang Baal ug naghimo ug sagradong poste, ingon sa gibuhat ni Ahab+ nga hari sa Israel; ug siya nagyukbo+ sa tanang panon sa kalangitan+ ug nag-alagad kanila.+  Ug siya nagtukod ug mga halaran sa balay ni Jehova,+ nga labot niini si Jehova nag-ingon: “Sa Jerusalem akong ibutang ang akong ngalan.”+  Ug siya nagtukod ug mga halaran alang sa tanang panon sa kalangitan+ didto sa duha ka sawang sa balay ni Jehova.+  Ug iyang gipaagi ang iyang kaugalingong anak nga lalaki sa kalayo,+ ug siya naggamit ug salamangka+ ug nangitag mga tilimad-on ug naghimo sa mga espiritista+ ug mga tigpanag-an+ sa mga hitabo. Siya nagbuhat sa hingapin kon unsay daotan sa mga mata ni Jehova, aron sa pagpasuko kaniya.  Dugang pa, iyang gibutang ang linilok nga larawan+ sa sagradong poste nga iyang gihimo sa balay+ nga mahitungod niana si Jehova miingon kang David ug kang Solomon nga iyang anak: “Niining balaya ug sa Jerusalem, nga akong gipili gikan sa tanang tribo sa Israel, akong ibutang ang akong ngalan hangtod sa panahong walay tino.+  Ug dili na nako palatagawon pag-usab ang tiil sa Israel gikan sa yuta nga akong gihatag sa ilang mga katigulangan,+ kon sila mag-amping lamang sa pagbuhat sumala sa tanan nga akong gisugo kanila,+ bisan mahitungod sa tanang balaod nga gisugo kanila ni Moises nga akong alagad.”  Ug sila wala mamati,+ apan si Manases nagpadayon sa pagdaldal kanila sa pagbuhat kon unsay daotan+ nga labaw pa kay sa kanasoran+ nga gilaglag ni Jehova gikan sa atubangan sa mga anak sa Israel. 10  Ug si Jehova nagpadayon pagsulti pinaagi sa iyang mga alagad nga mga manalagna,+ nga nag-ingon: 11  “Tungod kay si Manases+ nga hari sa Juda nagbuhat niining dulumtanang+ mga butang, siya nagbuhat sa pagkadaotan nga labaw kay sa tanan nga gibuhat sa mga Amorihanon+ nga nauna kaniya, ug iyang gihimo gayod ang Juda nga makasala+ pinaagi sa iyang makaluod nga mga idolo. 12  Mao kana nga giingon kini ni Jehova nga Diyos sa Israel, ‘Ania, ako magadala ug katalagman sa Jerusalem+ ug sa Juda, nga kon si bisan kinsa makadungog niini ang duha niya ka dalunggan mosanting.+ 13  Ug pagaunaton ko gayod diha sa Jerusalem ang pising igsusukod+ nga gigamit sa Samaria+ ug usab ang nibel nga gigamit sa balay ni Ahab;+ ug pagahinloan+ ko gayod ang Jerusalem ingon sa usa nga magahinlo sa panaksang walay kuptanan, nga magahinlo ug magakulob niini.+ 14  Ug pagatalikdan ko gayod ang nahibilin+ sa akong panulondon+ ug ihatag sila ngadto sa kamot sa ilang mga kaaway, ug sila mahimong mga inagaw ug inilog alang sa tanan nilang mga kaaway,+ 15  tungod kay sila nagbuhat kon unsay daotan sa akong mga mata ug nagpadayon pagpasuko kanako sukad pa sa adlaw nga ang ilang mga katigulangan migula gikan sa Ehipto hangtod niining adlawa.’”+ 16  Ug daghan usab kaayo ang inosenteng dugo nga giula+ ni Manases, hangtod nga iyang napuno ang Jerusalem gikan sa tumoy ngadto sa tumoy, gawas pa sa iyang sala nga pinaagi niana iyang gipahinabo nga makasala ang Juda pinaagi sa pagbuhat kon unsay daotan sa mga mata ni Jehova.+ 17  Kon bahin sa ubang mga kalihokan ni Manases ug sa tanan nga iyang nabuhat ug sa sala nga iyang gihimo, wala ba sila mahisulat sa basahon+ sa mga kalihokan sa mga adlaw sa mga hari sa Juda? 18  Sa kataposan si Manases natulog uban sa iyang mga katigulangan+ ug gilubong sa tanaman sa iyang balay, sa tanaman ni Uza;+ ug si Amon nga iyang anak nga lalaki misugod sa paghari puli niya. 19  Kawhaag-duha ka tuig ang panuigon ni Amon+ sa dihang siya misugod sa paghari, ug sulod sa duha ka tuig+ siya naghari sa Jerusalem. Ug ang ngalan sa iyang inahan maoy Mesulemet nga anak nga babaye ni Haruz gikan sa Jotba. 20  Ug siya nagpadayon sa pagbuhat kon unsay daotan sa mga mata ni Jehova, ingon sa gibuhat ni Manases nga iyang amahan.+ 21  Ug siya nagpadayon paglakaw sa tanan nga dalan nga gilaktan sa iyang amahan,+ ug siya nagpadayon pag-alagad sa makaluod nga mga idolo+ nga gialagaran sa iyang amahan ug nagyukbo kanila. 22  Busa siya mibiya kang Jehova+ nga Diyos sa iyang mga katigulangan, ug siya wala maglakaw diha sa dalan ni Jehova.+ 23  Sa kataposan ang mga alagad ni Amon nagkunsabo batok kaniya ug gipatay+ ang hari didto sa iyang kaugalingong balay. 24  Apan ang katawhan sa yuta nagpatay sa tanang nagkunsabo+ batok kang Haring Amon. Unya ang katawhan sa yuta naghimo kang Josias+ nga iyang anak nga lalaki nga hari puli niya. 25  Kon bahin sa ubang mga kalihokan ni Amon, kon unsa ang iyang nabuhat, wala ba sila mahisulat sa basahon+ sa mga kalihokan sa mga adlaw sa mga hari sa Juda? 26  Busa ilang gilubong siya sa iyang lubnganan sa tanaman ni Uza;+ ug si Josias+ nga iyang anak nga lalaki misugod sa paghari puli niya.

Mga Footnote