Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 7:1-22

7  Karon sa pagkahuman gayod ni Solomon sa pag-ampo,+ ang kalayo nanaog gikan sa mga langit+ ug miut-ot sa halad-nga-sinunog+ ug sa mga halad, ug ang balay napuno sa himaya ni Jehova.+  Ug ang mga saserdote wala makahimo sa pagsulod sa balay ni Jehova+ tungod kay ang balay ni Jehova napuno sa himaya ni Jehova.  Ug ang tanang anak sa Israel nagtan-aw sa dihang ang kalayo nanaog ug ang himaya ni Jehova diha sa balay, ug sila nangyukbo+ gilayon nga ang ilang mga nawong ngadto sa yuta diha sa binakbakan nga luna ug nanghapa+ ug nagpasalamat kang Jehova, “kay siya maayo,+ kay ang iyang mahigugmaong-kalulot hangtod sa panahong walay tino.”+  Ug ang hari ug ang tanang katawhan nagtanyag ug halad sa atubangan ni Jehova.+  Ug si Haring Solomon nagtanyag sa halad nga kawhaag-duha ka libong baka ug usa ka gatos ug kawhaan ka libong karnero.+ Busa giinagurahan+ sa hari ug sa tanang katawhan ang balay sa matuod nga Diyos.  Ug ang mga saserdote+ nagbarog diha sa ilang mga puwesto, ug ang mga Levihanon+ uban ang ilang mga tulonggon sa awit+ alang kang Jehova nga gihimo ni David+ nga hari sa pagpasalamat kang Jehova, “kay ang iyang mahigugmaong-kalulot hangtod man sa panahong walay tino,” sa dihang si David magdayeg pinaagi sa ilang mga kamot; ug ang mga saserdote nagapalanog sa mga trompeta+ sa ilang atubangan, samtang ang tanang Israelinhon nagbarog.  Dayon gibalaan ni Solomon+ ang kinataliwad-an sa sawang nga diha sa atubangan sa balay ni Jehova, tungod kay didto iyang gihalad ang mga halad-nga-sinunog+ ug ang mga tambok nga bahin sa mga halad-sa-panag-ambit, kay ang halaran nga tumbaga+ nga gihimo ni Solomon wala makapaarang sa halad-nga-sinunog ug sa halad-nga-lugas+ ug sa mga tambok nga bahin.+  Ug gihimo ni Solomon ang pista+ niadtong panahona sulod sa pito ka adlaw, ug ang tibuok Israel uban kaniya,+ usa ka dako kaayong kongregasyon+ gikan sa pagsulod sa Hamat+ hangtod sa bul-oganang walog sa Ehipto.+  Apan sa ikawalo ka adlaw sila naghimo ug solemneng panagkatigom,+ tungod kay ang inagurasyon sa halaran ilang gihimo sulod sa pito ka adlaw ug ang pista sulod sa pito ka adlaw. 10  Ug sa ikakawhaag-tulo ka adlaw sa ikapitong bulan iyang gipapauli ang katawhan ngadto sa ilang mga balay, nga malipayon+ ug nagmaya sa kasingkasing tungod sa pagkamaayo+ nga gihimo ni Jehova kang David ug kang Solomon ug ngadto sa Israel nga iyang katawhan.+ 11  Busa nahuman ni Solomon ang balay ni Jehova+ ug ang balay sa hari;+ ug sa tanang butang nga misantop sa kasingkasing ni Solomon nga buhaton labot sa balay ni Jehova ug sa iyang kaugalingong balay siya nagmalamposon. 12  Si Jehova karon nagpakita+ kang Solomon sa pagkagabii ug miingon kaniya: “Akong nadungog ang imong pag-ampo,+ ug akong napili+ kining dapita alang sa akong kaugalingon ingong usa ka balay sa paghalad.+ 13  Sa dihang akong takpan ang kalangitan aron dili moulan+ ug sa dihang akong sugoon ang mga apan-apan aron sa paglamoy sa yuta+ ug kon ako magpadala ug kamatay taliwala sa akong katawhan,+ 14  ug ang akong katawhan+ nga ginatawag sa akong ngalan+ magpaubos+ sa ilang kaugalingon ug mag-ampo+ ug mangita sa akong nawong+ ug motalikod sa ilang daotang mga dalan,+ nan ako maminaw gikan sa mga langit+ ug magpasaylo sa ilang sala,+ ug ako magaayo sa ilang yuta.+ 15  Karon ang akong mga mata+ mabuka ug ang akong igdulungog+ mamati sa pag-ampo niining dapita. 16  Ug karon akong gipili+ ug gibalaan kining balaya aron ang akong ngalan+ maanaa diha hangtod sa panahong walay tino,+ ug ang akong mga mata ug ang akong kasingkasing maanaa gayod diha sa kanunay.+ 17  “Ug kon ikaw molakaw sa akong atubangan, ingon sa paglakaw ni David+ nga imong amahan, pinaagi sa pagbuhat gayod sumala sa tanan nga akong gisugo kanimo,+ ug ikaw magtuman sa akong mga regulasyon+ ug sa akong hudisyal nga mga hukom,+ 18  tukoron ko usab ang trono sa imong pagkahari,+ ingon sa akong pagpakigsaad kang David nga imong amahan,+ nga nag-ingon, ‘Walay usa ka tawo nimo nga pagaputlon gikan sa pagmando sa Israel.’+ 19  Apan kon kamo motalikod+ ug mobiya gayod sa akong mga lagda+ ug sa akong mga sugo+ nga akong gibutang sa inyong atubangan, ug kamo moadto gayod ug moalagad sa ubang mga diyos+ ug moyukbo kanila,+ 20  lukahon ko usab sila gikan sa akong yuta nga akong gihatag kanila;+ ug kining balaya nga akong gibalaan+ alang sa akong ngalan, isalikway ko gikan sa akong atubangan,+ ug himoon ko kini nga usa ka panultihon+ ug usa ka biaybiay taliwala sa tanang mga katawhan.+ 21  Kon bahin niining balaya nga nahimong tipun-og sa kagun-oban,+ ang matag usa nga moagi niini motutok sa kahibulong+ ug moingon gayod, ‘Nganong ang ingon niini gibuhat man ni Jehova niining yutaa ug niining balaya?’+ 22  Ug sila magaingon, ‘Tungod kay sila mibiya kang Jehova+ nga Diyos sa ilang mga katigulangan nga nagpagawas kanila gikan sa yuta sa Ehipto,+ ug sila nagbaton ug ubang mga diyos+ ug nangyukbo kanila ug nag-alagad kanila.+ Mao kana nga gipadangat niya kanila kining tanan nga katalagman.’”+

Mga Footnote