Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 5:1-14

5  Sa kataposan ang tanang buluhaton nga buhatonon ni Solomon alang sa balay ni Jehova natapos,+ ug gipangdala ni Solomon sa sulod ang mga butang nga gibalaan ni David nga iyang amahan;+ ug ang plata ug ang bulawan ug ang tanan nga galamiton iyang gibutang sa mga tipiganan sa bahandi sa balay sa matuod nga Diyos.+  Maoy niadtong panahona nga gitigom ni Solomon ang mga ansiyano sa Israel+ ug ang tanang pangulo sa mga tribo,+ ang mga pangulo sa mga balay sa mga amahan+ sa mga anak sa Israel, ngadto sa Jerusalem, aron sa pagdala+ sa arka+ sa pakigsaad ni Jehova gikan sa Siyudad ni David,+ buot ingnon, ang Zion.+  Busa ang tanang tawo sa Israel nagtigom ngadto sa hari panahon sa pista, nga mao ang sa ikapito ka bulan.+  Busa ang tanang ansiyano sa Israel nangadto,+ ug ang mga Levihanon nagdala sa Arka.+  Ug ilang gidala ang Arka+ ug ang tolda nga tagboanan+ ug ang tanang balaan nga galamiton+ nga didto sa tolda. Ang mga saserdote nga mga Levihanon nagdala kanila.+  Ug si Haring Solomon ug ang tibuok nga katigoman sa mga Israelinhon nga nagtuman sa ilang gikasabotang pakigtagbo uban kaniya sa atubangan sa Arka naghalad+ ug mga karnero ug mga baka nga dili maisip o maihap tungod sa kadaghan.  Unya ang mga saserdote nagdala sa arka sa pakigsaad ni Jehova ngadto sa dapit niini, ngadto sa kinasulorang+ lawak sa balay, ngadto sa Labing Balaan,+ sa ilalom sa mga pako sa mga kerubin.+  Busa ang mga kerubin nagpadayon sa pagbukhad sa ilang mga pako ibabaw sa dapit sa Arka, mao nga ang mga kerubin nagtabon sa Arka ug sa mga yayongan+ niini gikan sa ibabaw.+  Apan ang mga yayongan tag-as, mao nga ang mga tumoy sa yayongan makita diha sa Balaan sa atubangan sa kinasulorang lawak, apan sila dili-makita sa gawas, ug sila nagpabilin didto hangtod niining adlawa.+ 10  Walay bisan unsa sa sulod sa Arka gawas sa duha ka papan+ nga gihatag ni Moises sa Horeb,+ sa dihang si Jehova naghimog pakigsaad+ uban sa mga anak sa Israel samtang sila nanggula gikan sa Ehipto.+ 11  Ug nahitabo nga sa dihang nanggula ang mga saserdote gikan sa balaang dapit (kay ang tanan nga saserdote nga atua didto, sa ilang bahin, nagbalaan+ man sa ilang kaugalingon—dili na kinahanglan nga sundon ang mga dibisyon);+ 12  ug ang mga Levihanon+ nga mga mag-aawit nga sakop nilang tanan, nga mao, kang Asap,+ kang Heman,+ kang Jedutun+ ug sa ilang mga anak nga lalaki ug sa ilang mga igsoong lalaki nga nagbesti ug pinong panapton uban sa mga piyangpiyang+ ug sa kinuldasan nga mga tulonggon+ ug mga alpa,+ nagtindog dapit sa sidlakan sa halaran ug uban sa mga saserdote sa gidaghanon nga usa ka gatos ug kawhaan nga nagpatingog sa mga trompeta;+ 13  ug nahitabo nga sa dihang ang mga tigtrompeta ug ang mga mag-aawit nagkahiusa+ sa pagpalanog ug usa ka tingog sa pagdayeg ug pagpasalamat kang Jehova, ug sa dihang ilang gipatugbaw ang tingog uban sa mga trompeta ug sa mga piyangpiyang ug sa mga tulonggon sa awit+ ug sa pagdayeg+ kang Jehova, “kay siya maayo,+ kay hangtod sa panahong walay tino ang iyang mahigugmaong-kalulot,”+ ang balay napuno sa panganod,+ ang mismong balay ni Jehova,+ 14  ug ang mga saserdote wala makabarog aron sa pag-alagad tungod sa panganod;+ kay ang balay sa matuod nga Diyos napuno sa himaya+ ni Jehova.

Mga Footnote