Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 27:1-9

27  Kawhaag-lima ka tuig ang panuigon ni Jotam+ sa dihang siya misugod paghari, ug sulod sa napulog-unom ka tuig siya naghari sa Jerusalem. Ug ang ngalan sa iyang inahan maoy Jerusa+ nga anak nga babaye ni Zadok.  Ug siya nagpadayon pagbuhat kon unsay matarong sa mga mata ni Jehova,+ sumala sa tanan nga gibuhat sa iyang amahan nga si Uzzias.+ Hinuon siya wala manghilabot sa templo ni Jehova.+ Bisan pa niana, ang katawhan migawi gihapon sa ikadaot.+  Siya nagtukod sa ibabaw nga ganghaan+ sa balay ni Jehova, ug ibabaw sa paril sa Opel+ daghan kaayo ang iyang gitukod.  Ug siya nagtukod ug mga siyudad+ sa bukirong rehiyon sa Juda,+ ug sa kakahoyan+ siya nagtukod ug mga kinutaang dapit+ ug mga torre.+  Ug siya nakiggubat batok sa hari sa mga anak sa Ammon+ ug sa kataposan nahimong labaw nga kusganon kay kanila, mao nga ang mga anak sa Ammon naghatag kaniya nianang tuiga ug usa ka gatos ka talanton nga plata ug napulo ka libo ka cor+ sa trigo+ ug napulo ka libo sa sebada.+ Mao kini ang gibayad sa mga anak sa Ammon kaniya, sa ikaduhang tuig usab ug sa ikatulo.+  Busa si Jotam nagpadayon paglig-on sa iyang kaugalingon, kay iyang giandam ang iyang mga dalan sa atubangan ni Jehova nga iyang Diyos.+  Kon bahin sa ubang mga kalihokan ni Jotam+ ug sa tanan niyang mga gubat ug sa iyang mga dalan, anaa sila nahisulat sa Basahon+ sa mga Hari sa Israel ug sa Juda.  Kawhaag-lima ka tuig ang iyang panuigon sa dihang siya misugod sa paghari, ug sulod sa napulog-unom ka tuig siya naghari sa Jerusalem.+  Sa kataposan si Jotam natulog uban sa iyang mga katigulangan,+ ug ilang gilubong siya sa Siyudad ni David.+ Ug si Ahaz+ nga iyang anak nga lalaki misugod sa paghari puli niya.

Mga Footnote