Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 22:1-12

22  Unya ang mga molupyo sa Jerusalem naghimo kang Ahazias+ nga iyang kamanghorang anak nga lalaki nga hari puli niya, (kay ang pundok sa mga bandido nga miabot sa kampo uban sa mga Arabo+ nagpatay sa tanang magulang,)+ ug si Ahazias nga anak ni Jehoram misugod sa pagmando ingong hari sa Juda.  Kawhaag-duha ka tuig ang panuigon ni Ahazias sa dihang siya misugod sa paghari,+ ug sulod sa usa ka tuig siya naghari sa Jerusalem. Ug ang ngalan sa iyang inahan maoy Atalia+ nga apo nga babaye ni Omri.+  Siya usab naglakaw diha sa dalan sa balay ni Ahab,+ kay ang iyang inahan+ nahimong iyang magtatambag sa pagbuhat sa kadaotan.  Ug siya nagpadayon sa pagbuhat kon unsay daotan sa mga mata ni Jehova, sama sa balay ni Ahab, kay sila nahimong mga magtatambag+ kaniya human sa kamatayon sa iyang amahan, ngadto sa iyang ikadaot.  Diha usab sa ilang tambag nga siya naglakaw,+ maong siya miuban kang Jehoram+ nga anak nga lalaki ni Ahab nga hari sa Israel sa pagpakiggubat batok kang Hazael+ nga hari sa Sirya didto sa Ramot-gilead,+ diin si Jehoram naigo sa mga magpapana.+  Busa siya mipauli sa Jezreel+ aron magpaayo sa mga samad nga ilang gipahamtang kaniya didto sa Rama+ sa dihang siya nakig-away kang Hazael nga hari sa Sirya. Kon bahin kang Azarias+ nga anak nga lalaki ni Jehoram+ nga hari sa Juda, siya milugsong aron sa pagpakigkita kang Jehoram+ nga anak nga lalaki ni Ahab sa Jezreel, kay siya nasakit.+  Apan gikan sa Diyos+ nga ang pagkapukan+ nahitabo kang Ahazias tungod sa iyang pag-adto kang Jehoram; ug sa dihang siya miabot, siya miadto+ uban kang Jehoram ngadto kang Jehu+ nga apo nga lalaki ni Nimsi,+ nga gidihogan+ ni Jehova sa paglaglag sa balay ni Ahab.+  Ug nahitabo nga sa dihang si Jehu nakigbangi batok sa balay ni Ahab,+ iyang nakaplagan ang mga prinsipe sa Juda ug ang mga anak nga lalaki sa mga igsoon ni Ahazias,+ mga alagad ni Ahazias, ug iyang gipatay sila.+  Unya siya nangita kang Ahazias, ug sa kataposan ilang nadakpan siya,+ samtang siya nagtago didto sa Samaria,+ ug gidala siya ngadto kang Jehu. Unya ilang gipatay siya ug gilubong siya,+ kay sila miingon: “Siya mao ang apo nga lalaki ni Jehosapat,+ nga nangita kang Jehova uban sa bug-os niyang kasingkasing.”+ Ug walay usa sa balay ni Ahazias nga nakapadayon sa paghupot ug gahom alang sa gingharian. 10  Kon bahin kang Atalia+ nga inahan ni Ahazias, iyang nakita nga ang iyang anak namatay. Busa siya mitindog ug milaglag sa tanang harianong kaliwat sa balay sa Juda.+ 11  Apan, si Jehosabet+ nga anak nga babaye sa hari nagkuha kang Jehoas+ nga anak nga lalaki ni Ahazias ug gikawat siya pagdala gikan sa taliwala sa mga anak nga lalaki sa hari nga patyonon, ug gibutang siya ug ang iyang iwa sa sulod nga lawak alang sa mga higdaanan. Ug si Jehosabet nga anak nga babaye ni Haring Jehoram,+ ang asawa ni Jehoiada+ nga saserdote, (kay siya igsoon mang babaye ni Ahazias,) nagtago kaniya tungod kang Atalia, ug siya wala makapatay kaniya.+ 12  Ug siya nagpabilin uban kanila nga tinagoan diha sa balay sa matuod nga Diyos sulod sa unom ka tuig,+ samtang si Atalia nagmando ingong rayna+ sa yuta.+

Mga Footnote