Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

2 Cronicas 2:1-18

2  Karon si Solomon nagsugo nga tukoron ang usa ka balay+ alang sa ngalan ni Jehova+ ug usa ka balay alang sa iyang pagkahari.+  Busa si Solomon nag-ihap ug kapitoan ka libo ka tawo ingong mga tigpas-an ug kawaloan ka libo ka tawo ingong mga magtatabas sa bato didto sa bukid,+ ug ingong mga magtatan-aw ibabaw nila tulo ka libo ug unom ka gatos.+  Dugang pa, si Solomon nagpasugo ngadto kang Hiram+ nga hari sa Tiro, nga nag-ingon: “Ingon nga ikaw nakiglabot kang David+ nga akong amahan ug ikaw nagpadayon sa pagpadala kaniya ug kahoyng sedro aron magtukod ug usa ka balay nga pagapuy-an,—  ania, ako magtukod+ ug usa ka balay alang sa ngalan+ ni Jehova nga akong Diyos aron balaanon+ kini alang kaniya, sa pagsunog ug pinahumotan nga insenso+ sa atubangan niya, uban sa makanunayong tinapay nga linut-od+ ug mga halad-nga-sinunog sa buntag ug gabii,+ sa mga igpapahulay+ ug sa bag-ong mga bulan+ ug sa kapanahonan sa mga pista+ ni Jehova nga among Diyos. Hangtod sa panahong walay tino+ kini mahimong tulumanon sa Israel.  Ug ang balay nga akong tukoron maoy dako,+ kay ang among Diyos mas dako kay sa tanang ubang diyos.+  Ug kinsa ang makahupot ug gahom aron sa pagtukod kaniya ug usa ka balay?+ Kay ang mga langit ug ang langit sa mga langit dili paigo kaniya,+ ug kinsa ba ako+ nga ako magtukod kaniya ug usa ka balay gawas sa paghimog gipaaso nga halad atubangan niya?+  Ug karon padad-i ako ug usa ka tawong batid sa pagbuhat sa bulawan ug sa plata ug sa tumbaga+ ug sa puthaw ug sa balhibo sa karnero nga tininag morado ug lutong-pula ug asul nga hilo, ug mahibalo sa pagkulit, duyog sa mga batid nga uban nako sa Juda ug sa Jerusalem, nga giandam ni David nga akong amahan.+  Ug padad-i ako ug mga kahoy nga sedro,+ junipero+ ug algum+ gikan sa Lebanon,+ kay ako nahibalo pag-ayo nga ang imong mga alagad may kasinatian sa pagputol sa mga kahoy sa Lebanon,+ (ug ania, ang akong mga alagad magauban sa imong mga alagad,)  bisan sa pag-andam ug mga kahoy alang kanako nga daghan kaayo, kay ang balay nga akong tukoron dako, oo, sa katingalahang paagi. 10  Ug, tan-awa! sa mga tigpanguhag kahoy, sa mga mamumutol sa mga kahoy, ihatag ko ang trigo ingong pagkaon alang sa imong mga alagad, kawhaan ka libo ka cor,+ ug sebada kawhaan ka libo ka cor, ug bino+ kawhaan ka libo ka bath, ug lana kawhaan ka libo ka bath.” 11  Niana si Hiram nga hari sa Tiro+ mipahayag pinaagi sa pagsulat ug gipadala kini ngadto kang Solomon: “Tungod kay si Jehova nahigugma+ sa iyang katawhan siya naghimo kanimo nga hari ibabaw nila.”+ 12  Ug si Hiram nagkanayon: “Dalayegon si Jehova nga Diyos sa Israel,+ nga naghimo sa mga langit ug sa yuta,+ tungod kay iyang gihatagan si David nga hari ug usa ka maalamong anak nga lalaki, may kasinatian sa kaalam ug sa pagsabot,+ nga magtukod ug usa ka balay alang kang Jehova ug usa ka balay alang sa iyang pagkahari.+ 13  Ug karon ako magapadala ug usa ka tawong hanas, may kasinatian sa pagsabot, nga iya ni Hiram-abi,+ 14  ang anak nga lalaki sa usa ka babaye sa mga anak ni Dan apan kansang amahan taga-Tiro, may kasinatian, sa pagbuhat sa bulawan ug sa plata, sa tumbaga,+ sa puthaw, sa mga bato+ ug sa mga kahoy, sa balhibo sa karnero nga tininag morado,+ sa asul nga hilo+ ug sa pinong+ panapton ug sa lutong-pula+ ug sa pagkulit sa tanang matang sa mga kinulit+ ug sa pagdisenyo sa tanang matang sa galamiton+ nga mahimong ihatag kaniya uban sa imong kaugalingong hanas nga mga tawo ug ang hanas nga mga tawo sa akong ginoong si David nga imong amahan. 15  Ug karon ang trigo ug ang sebada, ang lana ug ang bino nga gisaad sa akong ginoo, ipadala niya ngadto sa iyang mga alagad.+ 16  Kon bahin kanamo, kami mamutol ug mga kahoy+ gikan sa Lebanon sumala sa tanan nimong panginahanglan,+ ug among dad-on kini nganha kanimo ingong mga gakit agi sa dagat+ paingon sa Jope,+ ug ikaw, sa imong bahin, magdala niini hangtod sa Jerusalem.” 17  Unya giihap ni Solomon ang tanang tawo nga langyawng mga pumoluyo, nga dinha sa yuta sa Israel,+ human sa pagsenso kanila ni David nga iyang amahan;+ ug nakita nga dihay usa ka gatos ug kalim-ag-tulo ka libo ug unom ka gatos. 18  Busa iyang gihimo ang kapitoan ka libo kanila nga mga tigpas-an+ ug kawaloan ka libo nga mga magtatabas sa bato+ didto sa bukid ug tulo ka libo ug unom ka gatos nga mga magtatan-aw aron magpadayon ang katawhan sa buluhaton.+

Mga Footnote