Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 17:1-19

17  Ug si Jehosapat+ nga iyang anak nga lalaki misugod sa paghari puli niya ug sa pagpalig-on sa iyang posisyon ibabaw sa Israel.  Ug siya nagbutang ug mga kasundalohan sa tanang kinutaan nga siyudad sa Juda ug nagbutang ug mga garison sa yuta sa Juda ug sa mga siyudad sa Epraim nga nailog ni Asa nga iyang amahan.+  Ug si Jehova nagpadayon pag-uban kang Jehosapat,+ tungod kay siya naglakaw diha sa kanhing mga dalan ni David nga iyang katigulangan+ ug wala mangita sa mga Baal.+  Kay sa Diyos sa iyang amahan siya nangita+ ug sa iyang sugo siya naglakaw,+ ug dili sumala sa mga buhat sa Israel.+  Ug gipadayon pagpalig-on ni Jehova ang gingharian diha sa iyang kamot;+ ug ang tibuok Juda nagpadayon sa paghatag ug mga regalo+ kang Jehosapat, ug siya nakabaton ug mga bahandi ug himaya nga madagayaon.+  Ug ang iyang kasingkasing nagmaisogon diha sa mga dalan+ ni Jehova, ug siya nagkuha gayod sa hatag-as nga mga dapit+ ug sa sagradong mga poste+ gikan sa Juda.  Ug sa ikatulo ka tuig sa iyang paghari siya nagpasugo sa iyang mga prinsipe, nga mao, si Ben-hail ug si Abdias ug si Zacarias ug si Netanel ug si Micaias, aron sa pagtudlo diha sa mga siyudad sa Juda,  ug uban kanila ang mga Levihanon, si Semaias ug si Netanias ug si Zebadias ug si Asahel ug si Semiramot ug si Jehonatan ug si Adonias ug si Tobiyas ug si Tob-adonias nga mga Levihanon, ug uban kanila si Elisama ug si Jehoram nga mga saserdote.+  Ug sila misugod sa pagpanudlo+ diha sa Juda, ug diha kanila ang basahon sa balaod ni Jehova;+ ug sila nagpadayon sa paglibot sa tanang siyudad sa Juda ug sa pagpanudlo taliwala sa katawhan. 10  Ug ang pagkalisang+ kang Jehova midangat diha sa tanang gingharian sa kayutaan sa tibuok palibot sa Juda, ug sila wala makig-away batok kang Jehosapat.+ 11  Ug gikan sa mga Filistehanon sila nagdala ngadto kang Jehosapat ug mga regalo+ ug salapi ingong tributo.+ Ang mga Arabo+ usab nagdala ngadto kaniya ug panon sa mga hayop, pito ka libo ug pito ka gatos ka laking karnero ug pito ka libo ug pito ka gatos ka laking kanding.+ 12  Ug si Jehosapat nagpadayon pag-uswag ug nagkadako+ sa labaw gayod; ug siya nagpadayon sa pagtukod ug kinutaang mga dapit+ ug mga siyudad nga tipiganan+ diha sa Juda. 13  Ug dihay daghan niyang mga buhat diha sa mga siyudad sa Juda; ug mga manggugubat,+ maisog, gamhanang mga tawo,+ didto sa Jerusalem. 14  Ug mao kini ang ilang mga katungdanan sumala sa banay sa ilang mga katigulangan: Ang mga pangulo sa linibo nga iya ni Juda, si Adna nga pangulo, ug uban niya dihay tulo ka gatos ka libong maisog, gamhanang mga tawo.+ 15  Ug ubos sa iyang pagdumala diha si Jehohanan nga pangulo, ug uban niya dihay duha ka gatos ug kawaloan ka libo. 16  Ug ilalom sa iyang pagbuot diha si Amasias nga anak nga lalaki ni Zikri nga boluntaryo+ alang kang Jehova, ug uban niya dihay duha ka gatos ka libong maisog, gamhanang mga tawo. 17  Ug gikan kang Benjamin+ diha ang maisog, gamhanang tawo nga si Eliada, ug uban niya dihay duha ka gatos ka libo ka tawong sinangkapan sa pana ug taming.+ 18  Ug ubos sa iyang pagdumala diha si Jehozabad, ug uban niya dihay usa ka gatos ug kawaloan ka libo ka tawong sinangkapan sa pagkasundalo. 19  Mao kini ang mga nag-alagad sa hari gawas pa niadtong gibutang sa hari diha sa kinutaang mga siyudad+ sa tibuok Juda.

Mga Footnote