Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 14:1-15

14  Sa kataposan si Abias natulog uban sa iyang mga katigulangan,+ ug ilang gilubong siya sa Siyudad ni David;+ ug si Asa+ nga iyang anak nga lalaki misugod sa paghari puli niya. Sa iyang mga adlaw ang yuta walay pagkatugaw+ sulod sa napulo ka tuig.  Ug gibuhat ni Asa kon unsay maayo ug matarong sa mga mata ni Jehova nga iyang Diyos.  Busa iyang gikuha ang mga langyawng halaran+ ug ang hatag-as nga mga dapit+ ug gigun-ob ang sagradong mga haligi+ ug giputol ang sagradong mga poste.+  Dugang pa, iyang giingnan ang Juda sa pagpangita+ kang Jehova nga Diyos sa ilang mga katigulangan ug sa pagbuhat sa balaod+ ug sa sugo.+  Busa iyang gikuha gikan sa tanang siyudad sa Juda ang hatag-as nga mga dapit ug ang mga tungtonganan sa insenso;+ ug ang gingharian nagpadayon nga walay kasamok+ atubangan niya.  Ug siya nagtukod ug kinutaang mga siyudad sa Juda,+ kay ang yuta walay kasamok; ug walay gubat batok kaniya sulod niining mga tuiga, kay si Jehova naghatag kaniya ug pahulay.+  Busa siya miingon sa Juda: “Atong tukoron kining mga siyudara ug maghimog mga paril+ sa palibot ug mga torre,+ dobleng mga pultahan ug mga trangka.+ Alang kanato ang yuta anaa pa, tungod kay atong gipangita si Jehova nga atong Diyos.+ Kita nangita, ug siya naghatag kanato ug pahulay sa tibuok palibot.”+ Ug sila nagtukod ug nagmalamposon.+  Ug si Asa nakabaton ug kasundalohan nga nagdala sa dakong taming+ ug bangkaw,+ tulo ka gatos ka libo gikan sa Juda.+ Ug gikan sa Benjamin kadtong nagadala sa kalasag ug nagagamit sa pana+ maoy duha ka gatos ug kawaloan ka libo.+ Ang tanan niini maoy maisog, gamhanang mga tawo.  Sa ulahi si Zera nga Etiopianhon+ migula batok kanila uban ang panon sa kasundalohan nga usa ka milyon ka tawo+ ug tulo ka gatos ka karo, ug nakaabot hangtod sa Maresah.+ 10  Unya si Asa migula batok kaniya ug sila mihan-ay sa pagpakiggubat didto sa walog sa Zepata sa Maresah. 11  Ug si Asa mitawag kang Jehova nga iyang Diyos+ ug miingon: “Oh Jehova, kon bahin sa pagtabang, dili hinungdanon kanimo kon daghan man o walay gahom.+ Tabangi kami, Oh Jehova nga among Diyos, kay kami nagasalig kanimo,+ ug sa imong ngalan+ kami mianhi batok niining panon sa katawhan. Oh Jehova, ikaw mao ang among Diyos.+ Ayaw tugoti nga ang may-kamatayong tawo makahupot ug kusog batok kanimo.”+ 12  Niana gipildi ni Jehova+ ang mga Etiopianhon atubangan ni Asa ug atubangan sa Juda, ug ang mga Etiopianhon nangalagiw. 13  Ug si Asa ug ang katawhan nga didto uban niya nagpadayon sa paggukod kanila hangtod sa Gerar,+ ug kadtong iya sa mga Etiopianhon padayong nangapukan hangtod nga walay usa kanila nga nagpabiling buhi; kay sila gidugmok atubangan ni Jehova+ ug atubangan sa iyang kampo.+ Human niana sila nagdala ug daghan kaayong inagaw.+ 14  Dugang pa, ilang gihampak ang tanang siyudad palibot sa Gerar, kay ang kalisang+ kang Jehova midangat kanila; ug ilang gipang-agawan ang tanang siyudad, kay daghan man ang agawonon kanila.+ 15  Ug bisan ang mga tolda+ nga may mga kahayopan ilang gihampak mao nga sila nakailog+ sa mga panon sa kahayopan nga daghan kaayo ug mga kamelyo,+ ug human niana sila namalik sa Jerusalem.

Mga Footnote