Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Cronicas 13:1-22

13  Sa ikanapulog-walo ka tuig ni Haring Jeroboam si Abias misugod sa paghari sa Juda.+  Tulo ka tuig nga siya naghari sa Jerusalem, ug ang ngalan sa iyang inahan maoy Micaias+ nga anak nga babaye ni Uriel sa Gibea.+ Ug ang gubat nahitabo tali kang Abias ug kang Jeroboam.+  Busa si Abias nakiggubat uban ang panon sa kasundalohan nga upat ka gatos ka libo ka gamhanang mga tawo sa gubat,+ pinili nga mga tawo. Ug si Jeroboam mihan-ay sa pagpakiggubat batok kaniya uban ang walo ka gatos ka libong pinili nga mga tawo, maisog, gamhanang mga tawo.+  Si Abias karon mitindog sa ibabaw sa Bukid sa Zemaraim, nga anaa sa bukirong rehiyon sa Epraim,+ ug miingon: “Paminaw kanako, Oh Jeroboam ug tibuok Israel.  Dili ba angay ninyong mahibaloan nga si Jehova nga Diyos sa Israel naghatag ug usa ka gingharian kang David+ ibabaw sa Israel hangtod sa panahong walay tino,+ ngadto kaniya ug sa iyang mga anak,+ pinaagig usa ka pakigsaad sa asin?+  Ug si Jeroboam+ nga anak nga lalaki ni Nebat, ang alagad+ ni Solomon nga anak ni David, mitindog ug misukol+ batok sa iyang ginoo.+  Ug ang mga tawong walay buhat,+ mga tawong walay-silbi,+ nagpadayon sa pagtigom uban kaniya. Sa kataposan sila milabaw kang Rehoboam nga anak ni Solomon, sa dihang si Rehoboam+ batan-on pa ug mahuyang ug kasingkasing,+ ug siya wala makasugakod batok kanila.  “Ug karon kamo naghunahuna nga kamo makasugakod batok sa gingharian ni Jehova diha sa kamot sa mga anak ni David,+ dihang kamo usa ka dakong panon sa katawhan+ ug anaa kaninyo ang mga nating baka nga bulawan nga gihimo ni Jeroboam alang kaninyo ingong mga diyos.+  Wala ba ninyo aboga ang mga saserdote ni Jehova,+ ang mga anak ni Aaron, ug ang mga Levihanon, ug wala ba kamo magpadayon sa paghimog mga saserdote alang sa inyong kaugalingon sama sa mga katawhan sa kayutaan?+ Kon bahin ni bisan kinsa nga mianhi ug nagpuno sa iyang kamot ug gahom pinaagi sa usa ka toreyong baka ug pito ka laking karnero, siya nahimong usa ka saserdote sa mga dili diyos.+ 10  Kon bahin kanamo, si Jehova mao ang among Diyos,+ ug wala kami mobiya kaniya; apan ang mga saserdote nagaalagad kang Jehova, ang mga anak ni Aaron, ug usab ang mga Levihanon diha sa buluhaton.+ 11  Ug sila nagapaaso ug mga halad-nga-sinunog alang kang Jehova matag buntag ug matag gabii+ ug usab pinahumotan nga insenso;+ ug ang mga lut-od sa tinapay anaa sa lamesa nga lunsayng bulawan,+ ug anaa ang mga tangkawan nga bulawan+ ug ang mga lampara niini aron pasigahon matag gabii;+ tungod kay kami nagatuman sa mga obligasyon+ alang kang Jehova nga atong Diyos, apan kamo mingbiya kaniya.+ 12  Ug, tan-awa! nag-una uban kanamo ang matuod nga Diyos+ uban ang iyang mga saserdote+ ug ang nagahatag-ilhanan nga mga trompeta+ aron patingogon ang pasidaan sa gubat batok kaninyo. Oh mga anak sa Israel, ayaw pagpakig-away batok kang Jehova nga Diyos sa inyong mga katigulangan,+ kay kamo dili magmalamposon.”+ 13  Ug si Jeroboam, sa iyang bahin, nagpadalag mga mobanhig kanila sa luyo, mao nga sila diha sa atubangan sa Juda ug ang pagbanhig didto sa ilang luyo.+ 14  Sa dihang kadtong iya sa Juda miliso, aw, ania karon, ang gubat diha sa atubangan ug sa luyo nila.+ Ug sila mituaw kang Jehova,+ samtang ang mga saserdote nagpalanog sa mga trompeta. 15  Ug ang mga tawo sa Juda misinggit sa usa ka singgit sa pakiggubat.+ Ug nahitabo nga, sa dihang ang mga tawo sa Juda misinggit sa usa ka singgit sa pakiggubat, niana ang matuod nga Diyos nagpildi+ kang Jeroboam ug sa tibuok Israel atubangan ni Abias+ ug sa Juda. 16  Ug ang mga anak sa Israel mikalagiw gikan sa atubangan sa Juda, ug niana sila gitugyan sa Diyos ngadto sa ilang kamot.+ 17  Ug si Abias ug ang iyang katawhan nagpatay kanila uban ang dako kaayo nga pagpamatay; ug nagpadayon sa pagkapukan ang mga pinatay sa Israel, lima ka gatos ka libo nga piniling mga tawo. 18  Sa ingon ang mga anak sa Israel gipaubos niadtong panahona, apan ang mga anak sa Juda nahimong labaw tungod kay sila misalig+ kang Jehova nga Diyos sa ilang mga katigulangan. 19  Ug si Abias nagpadayon paggukod kang Jeroboam ug nakailog ug mga siyudad gikan kaniya, ang Bethel+ ug ang mga lungsod nga sakop niini, ug ang Jesana ug ang mga lungsod nga sakop niini, ug ang Eprain ug ang mga lungsod nga sakop niini.+ 20  Ug si Jeroboam wala na makahupot ug gahom+ sa mga adlaw ni Abias; apan si Jehova naghampak kaniya,+ mao nga siya namatay. 21  Ug si Abias nagpadayon sa pagpalig-on sa iyang kaugalingon.+ Sa ulahi siya nakabaton ug napulog-upat ka asawa,+ ug nanganak ug kawhaag-duha ka anak nga lalaki+ ug napulog-unom ka anak nga babaye. 22  Ug ang uban pang mga kalihokan ni Abias, ang iya mismong mga dalan ug ang iyang mga pulong, nahisulat sa kabatbatan ni manalagnang Ido.+

Mga Footnote