Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Corinto 9:1-15

9  Karon mahitungod sa ministeryo+ nga alang sa mga balaan, paghingapin na nga sulatan ko pa kamo,  kay ako nahibalo sa inyong pagkaandam sa hunahuna nga akong gipanghambog sa mga Macedonianhon bahin kaninyo, nga ang Acaya andam na sulod na karon sa usa ka tuig,+ ug ang inyong kasibot nakaaghat sa kadaghanan kanila.  Apan ipadala ko ang mga igsoon, aron ang among pagpanghambog mahitungod kaninyo dili mahimong walay pulos niining bahina, hinunoa nga kamo maandam na gayod,+ ingon sa gisulti ko sa miagi nga kamo andam na.  Kay kon dili, sa unsa mang paagi, kon ang mga Macedonianhon manganha uban kanako ug makaplagan kamong dili diay andam, kami—bisag dili na lang kamo iapil—maulawan niining among pagsalig.  Busa akong gihunahuna nga kinahanglang dasigon ang mga igsoon nga mouna pag-anha kaninyo ug andamon daan ang dagayang gasa nga gisaad sa miagi,+ aron nga maandam kini ingong dagayang gasa ug dili ingong butang nga kinilkil.+  Apan mahitungod niini, siya nga nagapugas ug tagidyot+ magaani usab nga tagidyot; ug siya nga nagapugas nga madagayaon+ magaani usab nga madagayaon.  Ipabuhat sa matag usa ang sumala sa iyang gihukom diha sa iyang kasingkasing, dili nga kontragusto+ o pinugos, kay gihigugma sa Diyos ang malipayong maghahatag.+  Dugang pa, ang Diyos makapadagaya sa tanan niyang dili-takos nga kalulot nganha kaninyo, aron nga, samtang kamo sa kanunay makabaton ug igo sa tanang butang, kamo magatagana nga madagayaon alang sa matag maayong buhat.+  (Ingon gayod sa nahisulat: “Siya kaylap nga nanagtag, siya nanghatag sa mga kabos, ang iyang pagkamatarong magpadayon hangtod sa kahangtoran.”+ 10  Karon siya nga madagayaong nagahatag sa binhi ngadto sa magpupugas ug sa tinapay aron kaonon+ maghatag ug magpadaghan sa binhi nga inyong ipugas ug magpauswag sa abot sa inyong pagkamatarong.)+ 11  Sa tanang butang kamo ginabuhong alang sa tanang matang sa pagkamahinatagon, nga pinaagi kanamo mahatagan ug mga pasalamat ang Diyos;+ 12  tungod kay ang ministeryo niini nga publikong pag-alagad dili lamang aron dagayang masangkapan ang mga panginahanglan sa mga balaan+ kondili usab aron modagaya ang paghatag ug mga pasalamat ngadto sa Diyos. 13  Tungod sa pamatuod nga gihatag niini nga ministeryo, ilang gihimaya ang Diyos tungod kay kamo mapinasakopon sa maayong balita bahin kang Kristo,+ ingon sa inyong gipahayag sa dayag nga kamo mao, ug tungod kay kamo mahinatagon sa inyong amot ngadto kanila ug sa tanan;+ 14  ug uban ang pangamuyo alang kaninyo sila nangandoy alang kaninyo tungod sa labawng dili-takos nga kalulot+ sa Diyos nganha kaninyo. 15  Salamat sa Diyos tungod sa iyang dili-mahubit nga walay bayad nga gasa.+

Mga Footnote