Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Corinto 8:1-24

8  Karon among ipahibalo kaninyo, mga igsoon, ang bahin sa dili-takos nga kalulot sa Diyos nga gituga diha sa mga kongregasyon sa Macedonia,+  nga sa panahon sa usa ka dakong pagsulay ilalom sa kasakitan ang ilang kadagaya sa kalipay ug ang ilang hilabihang kakabos nagpadagaya sa bahandi sa ilang pagkamahinatagon.+  Kay sumala sa ilang maarangan,+ oo, ako makapamatuod, kadto maoy labaw sa ilang maarangan,  samtang sila sa ilang kaugalingon nagpadayon sa paghangyo kanamo uban ang tumang pagpangaliyupo alang sa pribilehiyo sa malulotong pagpanghatag ug sa pag-ambit sa ministeryo nga gitagana alang sa mga balaan.+  Ug dili lamang ingon sa among gilaoman, kondili una sa tanan ilang gihatag ang ilang kaugalingon sa Ginoo+ ug kanamo pinaagi sa kabubut-on sa Diyos.  Kini mitultol kanamo sa pagdasig kang Tito+ nga, ingon nga siya ang nagsugod niini taliwala ninyo, sa ingon usab angay niyang taposon kining maong malulotong pagpanghatag sa bahin ninyo.  Bisan pa niana, ingon nga kamo nagadagaya sa tanang butang,+ sa pagtuo ug sa pulong ug sa kahibalo+ ug sa tanang pagkamatinuoron ug sa among gugma kaninyo, hinaot nga kamo usab modagaya niining malulotong pagpanghatag.  Dili sa paaging nagsugo kaninyo,+ kondili tungod sa pagkamatinuoron sa uban ug aron sa pagsulay sa pagkatiunay sa inyong gugma, nga ako nagsulti.  Kay inyong nahibaloan ang dili-takos nga kalulot sa atong Ginoong Jesu-Kristo, nga bisan tuod siya dato siya nahimong kabos tungod kaninyo,+ aron kamo mahimong dato+ pinaagi sa iyang kakabos. 10  Ug labot niini ako mohatag sa akong hunahuna:+ kay kining butanga makaayo kaninyo,+ sanglit usa na ka tuig kanhi kamo nagsugod dili lamang sa pagbuhat kondili usab sa pagtinguha nga mobuhat;+ 11  nan, karon, humana usab ang pagbuhat niini, aron nga, ingon nga dihay pagkaandam sa pagtinguha nga mobuhat, sa ingon usab kinahanglang humanon kini gikan sa inyong nabatonan. 12  Kay kon ang pagkaandam anaa nang daan, kini ilabinang dalawaton sumala sa nabatonan sa usa,+ dili sumala sa wala kaniya. 13  Kay dili ko tuyo nga mahimong sayon alang sa uban,+ apan lisod kaninyo; 14  kondili nga pinaagi sa pag-angay-angay ang inyong sobra sa pagkakaron mohulip sa ilang kakulangan, aron nga ang ilang sobra makahulip usab sa inyong kakulangan, aron adunay pag-angay-angay.+ 15  Ingon sa nahisulat: “Ang tawo nga adunay daghan wala makabaton ug sobra ka daghan, ug ang tawo nga adunay diyutay wala makabaton ug labihan ka diyutay.”+ 16  Karon salamat sa Diyos tungod sa pagbutang sa samang pagkamatinuoron alang kaninyo diha sa kasingkasing ni Tito,+ 17  tungod kay siya gayod misanong sa pagdasig, apan, kay matinguhaon kaayo, siya moanha kaninyo sa iyang kaugalingong kabubut-on. 18  Apan among ipadala uban kaniya ang igsoong lalaki kansang pagdayeg maylabot sa maayong balita mikaylap sa tanang kongregasyon. 19  Dili lamang kana, kondili gitudlo+ usab siya sa mga kongregasyon nga mahimong among nagapanawng kauban maylabot niining malulotong gasa nga among dumalahon alang sa himaya+ sa Ginoo ug ingong pamatuod sa among andam nga hunahuna.+ 20  Sa ingon kami nagalikay nga may si bisan kinsa nga makakitag sayop+ kanamo maylabot niining dakong amot+ nga among dumalahon. 21  Kay kami “nagahimog matinud-anong pagtagana, dili lamang sa panan-aw ni Jehova, kondili usab sa panan-aw sa mga tawo.”+ 22  Dugang pa, kami magpadala uban kanila sa atong igsoon nga sa makadaghan amo nang napamatud-an nga matinuoron sa daghang butang, apan karon labaw pa kamatinuoron tungod sa iyang dakong pagsalig kaninyo. 23  Kon, ugaling, adunay unsa mang pagduhaduha mahitungod kang Tito, siya usa ka mag-aambit uban kanako ug isigkamagbubuhat+ alang sa inyong kaayohan; o kon mahitungod sa atong mga igsoon, sila mga apostoles sa mga kongregasyon ug himaya ni Kristo. 24  Busa ipasundayag kanila ang pamatuod sa inyong gugma+ ug sa among gipasigarbo+ mahitungod kaninyo, atubangan sa mga kongregasyon.

Mga Footnote