Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

2 Corinto 6:1-18

6  Ingon nga nagabuhat duyog kaniya,+ kami nangaliyupo usab kaninyo nga dili dawaton ang dili-takos nga kalulot sa Diyos ug sipyaton ang katuyoan niini.+  Kay siya nag-ingon: “Sa usa ka panahong dalawaton ikaw akong gidungog, ug sa usa ka adlaw sa kaluwasan ikaw akong gitabangan.”+ Tan-awa! Karon mao na ang panahon nga ilabinang dalawaton.+ Tan-awa! Karon mao na ang adlaw sa kaluwasan.+  Wala gayod kami maghatag ug bisan unsa nga hinungdan sa pagkapandol,+ aron nga ang among ministeryo dili kakitaan ug sayop;+  apan sa tanang paagi among ginarekomendar+ ang among kaugalingon nga mga ministro sa Diyos, pinaagi sa daghang pag-antos, sa mga kasakitan, sa mga kawalad-on, sa mga kalisdanan,+  sa mga pagbunal, sa mga pagbilanggo,+ sa mga kasamok, sa mga kahago, sa mga gabiing walay tulog, sa mga panahong walay pagkaon,+  sa kalunsay, sa kahibalo, sa hataas-nga-pailob,+ sa kalulot,+ sa balaang espiritu, sa gugmang walay pagkasalingkapaw,+  sa matinud-anong sinultihan, sa gahom sa Diyos;+ pinaagi sa mga hinagiban+ sa pagkamatarong sa tuong kamot ug sa wala,  pinaagi sa himaya ug sa kaulawan, pinaagi sa daotang taho ug sa maayong taho; ingong mga limbongan+ apan matinud-anon,  ingong wala mailhi apan nailhan,+ ingong himalatyon apan, tan-awa! kami mga buhi,+ ingong dinisiplina+ apan wala itugyan ngadto sa kamatayon,+ 10  ingong nagasubo apan nagamaya gayod, ingong kabos apan nagapadato sa daghan, ingong walay gipanag-iya apan nagapanag-iya sa tanang butang.+ 11  Ang among baba gibuka nganha kaninyo, mga taga-Corinto, ang among mga kasingkasing+ gipasangkad. 12  Kamo dili hagip-ot ug luna sulod kanamo,+ kondili kamo hagip-ot ug luna diha sa inyong malumong mga pagmahal.+ 13  Busa, agig balos—ako mosulti sama ug ngadto sa mga anak+—kamo, usab, magpasangkad. 14  Ayaw pagpayugo nga dili timbang sa mga dili-magtutuo.+ Kay aduna bay panag-ubanay ang pagkamatarong ug ang kalapasan?+ O aduna bay pakig-ambitay ang kahayag uban sa kangitngit?+ 15  Dugang pa, aduna bay panag-uyon tali kang Kristo ug Belial?+ O aduna bay bahin+ ang tawong matinuohon uban sa usa ka dili-magtutuo? 16  Ug aduna bay panag-uyon ang templo sa Diyos uban sa mga idolo?+ Kay kita maoy templo+ sa buhing Diyos; ingon sa gisulti sa Diyos: “Ako mopuyo sa ilang taliwala+ ug molakaw sa ilang taliwala, ug ako mahimong ilang Diyos, ug sila mahimong akong katawhan.”+ 17  “‘Busa gumula kamo gikan sa ilang taliwala, ug ilain ang inyong kaugalingon,’ nagaingon si Jehova, ‘ug hunong na sa paghikap sa mahugaw nga butang’”;+ “‘ug pasudlon ko kamo.’”+ 18  “‘Ug ako mahimong inyong amahan,+ ug kamo mahimong akong mga anak nga lalaki ug mga anak nga babaye,’+ nagaingon si Jehova nga Labing Gamhanan.”+

Mga Footnote