Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

2 Corinto 13:1-14

13  Kini mao ang ikatulong higayon+ nga ako moanha kaninyo. “Sa baba sa duha ka saksi o sa tulo kinahanglang pamatud-an ang matag butang.”+  Giingon ko na kaniadto ug, nga daw anaa diha sa ikaduhang higayon apan wala diha karon, ako moingon daan kanila nga nakasala kaniadto ug sa tanang uban pa, nga kon ugaling ako moanha pag-usab ako walay palingkawason,+  sanglit kamo nangita man ug pamatuod nga si Kristo nagasulti pinaagi kanako,+ si Kristo nga dili maluya nganha kaninyo kondili gamhanan taliwala kaninyo.  Tinuod gayod, siya gilansang+ gumikan sa kaluyahon,+ apan siya buhi gumikan sa gahom sa Diyos.+ Tinuod, usab, kami maluya uban kaniya, apan kami mabuhi uban kaniya+ gumikan sa gahom sa Diyos+ nganha kaninyo.  Padayong sulayi kon kamo anaa ba sa pagtuo, padayong pamatud-i kon unsa kamo sa inyong kaugalingon.+ O wala ba ninyo maila nga si Jesu-Kristo nahiusa kaninyo?+ Gawas lamang kon kamo dili-inuyonan.  Sa pagkatinuod ako naglaom nga kamo makahibalo nga kami dili kay dili-inuyonan.  Karon kami nag-ampo+ sa Diyos nga unta kamo dili mobuhat ug sayop, dili aron nga kami tan-awon nga inuyonan, kondili aron nga kamo magabuhat kon unsay maayo, bisan tuod kami tan-awon nga dili-inuyonan.  Kay kami walay arang mahimo batok sa kamatuoran, kondili alang lamang sa kamatuoran.+  Kami magamaya gayod sa dihang kami maluya apan kamo gamhanan;+ ug alang niini among ginaampo,+ ang inyong pagkanapasibo pag-usab. 10  Mao nga gisulat ko kining mga butanga samtang wala diha, aron nga, sa dihang ako anaa diha, ako dili magmapig-oton+ sumala sa awtoridad nga gihatag kanako sa Ginoo, sa pagpalig-on+ ug dili sa paglumpag. 11  Sa kataposan, mga igsoon, magpadayon sa pagmaya, sa pagkanapasibo pag-usab, sa pagkahupay,+ sa paghunahuna nga may panag-uyon,+ sa pagpuyo nga madaiton;+ ug ang Diyos sa gugma ug sa kalinaw+ magauban kaninyo. 12  Magkomostahay ang usag usa uban ang balaang halok.+ 13  Ang tanang balaan nangomosta kaninyo. 14  Ang dili-takos nga kalulot sa Ginoong Jesu-Kristo ug ang gugma sa Diyos ug ang panag-ambitay diha sa balaang espiritu magauban kaninyong tanan.+

Mga Footnote