Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Timoteo 4:1-16

4  Hinunoa, ang inspiradong pulong nag-ingon gayod nga sa ulahing mga yugto sa panahon+ adunay pipila nga mangahulog+ gikan sa pagtuo, nga magtagad sa nagpahisalaag nga inspiradong mga pulong+ ug mga pagtulon-an sa mga demonyo,+  pinaagi sa pagkasalingkapaw sa mga tawo nga nagsultig kabakakan,+ minarkahan diha sa ilang tanlag+ nga daw pinaagi sa binagang puthaw;  nagdili sa pagminyo,+ nagsugo sa pag-ayad sa mga pagkaon+ nga gilalang sa Diyos+ nga pagaambitan uban ang pagpasalamat kanilang adunay pagtuo+ ug tukmang nahibalo sa kamatuoran.  Ang katarongan niini mao nga ang tanang linalang sa Diyos maayo,+ ug walay bisan unsa nga isalikway+ kon kini gidawat uban ang pagpasalamat,+  kay kini gibalaan pinaagi sa pulong sa Diyos ug sa pag-ampo alang niini.  Pinaagi sa paghatag niini nga mga tambag sa mga igsoon ikaw mahimong maayo nga ministro ni Kristo Jesus, usa nga inamoma sa mga pulong sa pagtuo ug sa maayong pagtulon-an+ nga imong gisunod pag-ayo.+  Apan isalikway ang bakak nga mga sugilanon+ nga nagpasipala sa kon unsay balaan ug giasoy sa tigulang nga mga babaye. Sa laing bahin, bansaya ang imong kaugalingon nga maoy tumong ang diyosnong pagkamahinalaron.+  Kay ang lawasnong pagbansay may diyutayng kapuslanan; apan ang diyosnong pagkamahinalaron+ mapuslanon sa tanang butang,+ kay naghupot kini ug saad sa kinabuhi karon ug sa umaabot.+  Kasaligan ug bug-os nga dalawaton kanang maong pahayag.+ 10  Kay tungod niini nga kita naghago ug nanlimbasog,+ tungod kay gipahimutang nato ang atong paglaom+ sa usa ka buhing Diyos, nga Manluluwas+ sa tanang matang sa mga tawo,+ ilabina sa mga matinumanon.+ 11  Magpadayon sa paghatag niining mga sugoa+ ug sa pagtudlo niini.+ 12  Ayaw gayod tugoting may tawo nga magtamay sa imong pagkabatan-on.+ Sa kasukwahi, himoa ang imong kaugalingon nga panig-ingnan+ sa mga matinumanon+ sa sinultihan, sa panggawi, sa gugma, sa pagtuo, sa kaputli.+ 13  Samtang ako nagsingabot, magmakugihon diha sa publikong+ pagbasa,+ sa pagpanambag, sa pagpanudlo. 14  Ayaw pasagdi ang gasa+ nga anaa kanimo nga gihatag kanimo pinaagi sa pagpanagna+ ug sa dihang ang lawas sa mga ansiyano nagpandong sa ilang mga kamot+ diha kanimo. 15  Palandonga kining mga butanga;+ hatagi kinig bug-os nga pagtagad, aron ang imong pag-uswag+ madayag sa tanan nga mga tawo. 16  Tagda kanunay ang imong kaugalingon+ ug ang imong pagpanudlo.+ Magpabilin niining mga butanga, kay sa pagbuhat niini pagaluwason mo ang imong kaugalingon ug kadtong mamati kanimo.+

Mga Footnote