Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Timoteo 3:1-16

3  Kasaligan kini nga pahayag.+ Kon adunay magapangab-ot sa katungdanan sa pagkamagtatan-aw,+ siya matinguhaon sa usa ka maayong buhat.  Busa ang magtatan-aw kinahanglang dili salawayon,+ bana sa usa ka asawa, makasaranganon+ sa batasan, maayog panghunahuna,+ mahusay,+ maabiabihon,+ may katakos sa pagpanudlo,+  dili palahubog nga burokinto,+ dili tigpanukmag,+ kondili makataronganon,+ dili palaaway,+ dili mahigugmaon sa salapi,+  usa ka tawo nga nagdumala sa iyang kaugalingong panimalay sa maayong paagi,+ nga may mga anak nga nagpasakop uban ang bug-os nga kaugdang;+  (sa pagkatinuod kon si bisan kinsa dili makamao sa pagdumala sa iyang kaugalingong panimalay, unsaon man niya pag-atiman sa kongregasyon sa Diyos?)  dili usa ka tawo nga bag-ong nakabig,+ kay tingali unyag siya moburot sa pagpagarbo+ ug mahulog sa paghukom nga gipakanaog batok sa Yawa.+  Dugang pa, kinahanglan usab nga siya adunay maayong pamatuod gikan sa mga tawo sa gawas,+ aron siya dili mahulog sa pakaulaw ug sa lit-ag+ sa Yawa.  Ingon man usab ang ministeryal nga mga alagad+ angay nga magmaugdang, dili duhag-sinultihan, dili palainom ug daghang bino, dili dalo sa kinitaan pinaagig limbong,+  nga naghupot sa sagradong tinago+ sa pagtuo uban ang hinlong tanlag.+ 10  Labot pa, kinahanglang masulayan+ una sila kon angayan ba, unya paalagara sila ingong mga ministro, sanglit walay akusasyon batok kanila.+ 11  Ingon man usab ang mga babaye angay nga magmaugdang, dili mabutangbutangon,+ makasaranganon+ sa batasan, matinumanon sa tanang butang.+ 12  Kinahanglan nga ang ministeryal nga mga alagad maoy bana sa usa ka asawa,+ nga nagdumala sa mga anak ug sa kaugalingon nilang mga panimalay sa maayong paagi.+ 13  Kay ang mga tawo nga mag-alagad sa maayong paagi nagbaton sa ilang kaugalingon ug maayong pagbarog+ ug dakong kagawasan sa pagsulti+ diha sa pagtuo maylabot kang Kristo Jesus. 14  Nagsulat ako niining mga butanga kanimo, bisan tuod ako naglaom sa pag-anha kanimo sa dili-madugay,+ 15  apan kon malangan man ako, aron ikaw mahibalo kon unsaon nimo paggawi diha sa panimalay sa Diyos,+ nga mao ang kongregasyon sa buhing Diyos, usa ka haligi ug tukod+ sa kamatuoran. 16  Sa pagkatinuod, dako gayod ang sagradong tinago+ niining diyosnong pagkamahinalaron: ‘Siya gipadayag diha sa unod,+ gipahayag nga matarong diha sa espiritu,+ nagpakita sa mga manulonda,+ giwali taliwala sa kanasoran,+ gituohan dinhi sa kalibotan,+ gidawat sa itaas diha sa kahimayaan.’+

Mga Footnote