Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Timoteo 2:1-15

2  Busa ako mag-awhag, una sa tanan, nga ang mga pangamuyo, mga pag-ampo,+ mga pangaliya alang sa uban, mga pagpasalamat, pagahimoon labot sa tanang matang sa mga tawo,+  labot sa mga hari+ ug kanilang tanan nga anaa sa hataas nga katungdanan;+ aron kita magpadayon sa pagkinabuhi nga mahusay ug malinawon uban ang bug-os nga diyosnong pagkamahinalaron ug pagkaugdang.+  Kini maayo ug dalawaton+ sa panan-aw sa atong Manluluwas, ang Diyos,+  kansang kabubut-on mao nga ang tanang matang sa mga tawo+ mangaluwas+ unta ug makadangat sa tukmang kahibalo+ sa kamatuoran.+  Kay adunay usa ka Diyos,+ ug usa ka tigpataliwala+ sa Diyos+ ug sa mga tawo,+ usa ka tawo, si Kristo Jesus,+  nga naghatag sa iyang kaugalingon ingong katugbang nga lukat alang sa tanan+—mao kini ang pagapamatud-an sa mismong mga panahon niini.  Alang niini nga pagpamatuod+ ako gitudlo nga magwawali ug apostol+—ako nagsulti sa kamatuoran,+ ako wala mamakak—usa ka magtutudlo sa kanasoran+ mahitungod sa pagtuo+ ug sa kamatuoran.  Busa gitinguha ko nga sa tanang dapit ang mga lalaki magpadayon sa pag-ampo, nga magbayaw sa maunongong mga kamot,+ nga walay kapungot+ ug mga panaglalis.+  Sa ingon usab gitinguha ko nga ang mga babaye magdayandayan sa ilang kaugalingon sa mahapsay nga sinina, uban ang pagkamakasaranganon+ ug maayong panghunahuna, dili pinaagi sa mga estilo sa pagsalapid sa buhok ug sa bulawan o sa mga perlas o sa mahalon kaayong sapot,+ 10  kondili sa paagi nga nahiangay sa mga babaye nga nagpaila nga masimbahon sa Diyos,+ sa ato pa, pinaagi sa maayong mga buhat.+ 11  Ang usa ka babaye kinahanglang magtuon sa hilom uban ang bug-os nga pagkamapinasakopon.+ 12  Dili ako motugot sa usa ka babaye nga magtudlo,+ o magbuot sa lalaki,+ kondili magpakahilom lamang siya. 13  Kay si Adan unang giumol, unya gisunod si Eva.+ 14  Dugang pa, si Adan wala malimbongi,+ kondili ang babaye mao ang bug-os nga nalimbongan+ ug nahimong malinapason.+ 15  Bisan pa niana, siya pagaampingang luwas pinaagi sa pagpanganak,+ basta sila magpadayon diha sa pagtuo ug sa gugma ug sa pagkabalaan uban ang maayong panghunahuna.+

Mga Footnote