Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Tesalonica 4:1-18

4  Sa kataposan, mga igsoon, kami naghangyo kaninyo ug nag-awhag kaninyo pinaagi sa Ginoong Jesus, maingon nga kamo nakadawat ug instruksiyon gikan kanamo kon sa unsang paagi kamo angayng maglakaw+ ug magpahimuot sa Diyos, ingon gayod sa inyong paglakaw karon, nga kamo magpadayon sa paghimo niini nga mas bug-os pa.+  Kay kamo nahibalo sa mga sugo+ nga among gihatag kaninyo pinaagi sa Ginoong Jesus.  Kay kini mao ang pagbuot sa Diyos, ang pagbalaan kaninyo,+ nga ayran ninyo ang pakighilawas;+  nga ang matag usa kaninyo kinahanglang mahibalo kon unsaon paghupot sa iyang kaugalingong sudlanan+ diha sa kabalaan+ ug kadungganan,  dili sa mahakogong kaibog sa seksuwal nga gana+ nga sama usab nianang sa kanasoran+ nga wala makaila sa Diyos;+  aron walay usa nga moabot sa punto nga magdaot ug maglapas sa mga katungod sa iyang igsoon niining butanga,+ tungod kay si Jehova magpahamtang ug silot niining tanang butanga,+ ingon sa among gisulti na kaninyo ug usab bug-os nga gipamatud-an kaninyo.+  Kay ang Diyos nagtawag kanato, dili alang sa kahugawan, kondili labot sa pagkabalaan.+  Busa, ang tawo nga wala manumbaling,+ wala manumbaling sa tawo, kondili sa Diyos,+ kinsa maoy nagbutang sa iyang balaang espiritu+ diha kaninyo.  Hinunoa, labot sa inigsoong gugma,+ dili na kinahanglan nga mosulat pa kami kaninyo, kay kamo gitudloan na sa Diyos+ nga maghigugmaay sa usag usa;+ 10  ug, ngani, kamo nagbuhat niini ngadto sa tanang kaigsoonan sa tibuok Macedonia. Apan kami nag-awhag kaninyo, mga igsoon, nga magpadayon sa pagbuhat niini sa mas bug-os pa, 11  ug himoon ninyong tumong nga magkinabuhing malinawon+ ug magtagad sa inyong kaugalingong kalihokan+ ug magtrabaho ginamit ang inyong mga kamot,+ ingon sa among gisugo kaninyo; 12  aron kamo magalakaw nga may kahapsay+ labot sa mga tagagawas+ ug dili manginahanglan sa bisan unsa.+ 13  Dugang pa, mga igsoon, dili namo buot nga kamo mawalay-alamag mahitungod kanilang nangatulog+ sa kamatayon; aron dili kamo masubo ingon sa uban usab nga mga walay paglaom.+ 14  Kay kon kita nagtuo nga si Jesus namatay ug mibangon pag-usab,+ sa ingon, usab, silang nangatulog sa kamatayon pinaagi ni Jesus pagadad-on ra unya sa Diyos uban kaniya.+ 15  Kay kini ang among isulti kaninyo pinaagi sa pulong ni Jehova,+ nga kitang mga buhi nga makapabiling buhi hangtod sa presensiya sa Ginoo+ dili gayod mag-una kanila nga nangatulog sa kamatayon; 16  kay ang Ginoo manaog gikan sa langit+ uban sa singgit sa pagsugo, uban sa tingog sa arkanghel+ ug uban sa trompeta sa Diyos,+ ug kadtong nangamatay nga nahiusa kang Kristo mouna pagbangon.+ 17  Pagkahuman kitang mga buhi nga makapabiling buhi, duyog kanila,+ pagasakgawon+ sa mga panganod+ sa pagsugat+ sa Ginoo diha sa kahanginan; ug sa ingon niana kita mahiuban kanunay sa Ginoo.+ 18  Busa magpadayon sa paghupay sa usag usa niining mga pulonga.

Mga Footnote