Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Tesalonica 1:1-10

1  Si Pablo ug si Silvano+ ug si Timoteo+ ngadto sa kongregasyon sa mga taga-Tesalonica nga nahiusa+ sa Diyos nga Amahan ug sa Ginoong Jesu-Kristo: Hinaot nga kamo adunay dili-takos nga kalulot ug kalinaw.+  Kami nagpasalamat kanunay sa Diyos sa dihang kami naghisgot kaninyong tanan sa among mga pag-ampo,+  kay kami walay-hunong nga nahinumdom sa inyong buhat+ sa pagtuo ug sa inyong mahigugmaong paghago ug sa inyong pag-antos tungod sa inyong paglaom+ diha sa atong Ginoong Jesu-Kristo atubangan sa atong Diyos ug Amahan.  Kay kami nahibalo, mga igsoong gihigugma sa Diyos, sa iyang pagpili kaninyo,+  tungod kay ang maayong balita nga among giwali wala makaplagi sa inyong taliwala uban ang mga sulti lamang apan usab uban ang gahom+ ug uban ang balaang espiritu ug hugot nga pagtuo,+ ingon gayod sa inyong nahibaloan kon unsang matanga sa mga tawo nangahimo kami nganha kaninyo tungod kaninyo;+  ug kamo nahimong mga tigsundog+ kanamo ug sa Ginoo,+ sanglit kamo midawat man sa pulong ilalom sa daghang kasakitan+ nga may kalipay sa balaang espiritu,+  mao nga kamo nahimong panig-ingnan sa tanang magtutuo sa Macedonia ug sa Acaya.  Ang tinuod mao, dili lamang napalanog ang pulong ni Jehova+ gikan kaninyo sa Macedonia ug sa Acaya, kondili mikaylap+ sa tanang dapit ang inyong pagtuo+ sa Diyos, mao nga dili na kinahanglang mosulti pa kami ug bisan unsa.  Kay sila nagpadayon sa pagtaho kon sa unsang paagi kami unang misulod sa inyong taliwala ug kon giunsa ninyo pagliso ngadto sa Diyos gikan sa inyong mga idolo+ aron magpaulipon sa buhi+ ug matuod+ nga Diyos, 10  ug sa paghulat+ sa iyang Anak gikan sa mga langit,+ nga iyang gibangon gikan sa mga patay,+ nga mao, si Jesus, nga magluwas kanato gikan sa kapungot nga nagsingabot.+

Mga Footnote