Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Samuel 6:1-21

6  Ug ang arka+ ni Jehova didto sa yuta sa mga Filistehanon sulod sa pito ka bulan.  Ug gitawag sa mga Filistehanon ang mga saserdote ug ang mga mananag-an,+ nga nag-ingon: “Unsay among buhaton sa arka ni Jehova? Ipahibalo kanamo kon sa unsang paagi ikapadala kana ngadto sa iyang dapit.”  Niini sila miingon: “Kon inyong ipadala ang arka sa Diyos sa Israel, ayaw kini ipadala nga walay halad, kay inyo gayod nga ihalad kaniya ang usa ka halad-sa-pagkasad-an.+ Unya kamo mangaayo, ug kamo mahibalo kon nganong ang iyang kamot wala mopahilayo gikan kaninyo.”  Niini sila miingon: “Unsa ang halad-sa-pagkasad-an nga angay namong ihalad kaniya?” Unya sila miingon: “Sumala sa gidaghanon sa manag-abin nga mga ginoo+ sa mga Filistehanon, lima ka almoranas nga bulawan ug lima ka ilagang jerbo nga bulawan, kay ang matag usa kaninyo ug ang inyong manag-abin nga mga ginoo adunay samang hampak.  Ug kamo maghimog mga larawan sa inyong mga almoranas ug mga larawan sa inyong mga ilagang jerbo+ nga nagdalag kadaot sa yuta, ug kamo maghimaya+ sa Diyos sa Israel. Basin pagaanon niya ang iyang kamot gikan kaninyo ug sa inyong diyos ug sa inyong yuta.+  Lain pa, nganong himoon ninyo nga dili masanongon ang inyong kasingkasing sama sa paghimo sa Ehipto ug ni Paraon sa ilang kasingkasing nga dili masanongon?+ Dili ba human gayod nga Siya nagpig-ot kanila sa hilabihan+ nga sila gipalakaw nila, ug sila nanglakaw?+  Ug karon pagkuha ug paghimo ug usa ka bag-ong karomata,+ ug duha ka baka nga nagpasuso, nga wala pa kasangoni ug yugo,+ ug inyong ihigot ang karomata sa mga baka, ug papaulion ninyo ang ilang mga nati gikan sa pagnunot kanila.  Ug kuhaon ninyo ang arka ni Jehova ug ibutang kini sa ibabaw sa karomata, ug ang mga butang nga bulawan+ nga inyong ihalad kaniya ingong halad-sa-pagkasad-an+ isulod ninyo sa usa ka kahon sa daplin niini. Ug kini inyong ipadala, ug kini molakaw.  Ug kamo motan-aw: kon kini moagi sa dalan paingon sa iyang teritoryo, ngadto sa Bet-semes,+ siya mao ang naghimo kanato niining dakong kadaot; apan kon dili, atong hisayran nga dili iyang kamot ang nagtandog kanato; sulagma+ lamang ang nahitabo kanato.” 10  Ug ang mga tawo nagbuhat niana. Busa nagkuha sila ug duha ka baka nga nagpasuso ug gihigot kini sa karomata, ug ang ilang mga nati ilang gisirhan sa balay. 11  Unya ilang gibutang ang arka ni Jehova sa ibabaw sa karomata,+ ug usab ang kahon ug ang mga ilagang jerbo nga bulawan ug ang mga larawan sa ilang mga almoranas. 12  Ug ang mga baka milakaw nga matul-id sa dalan paingon sa Bet-semes.+ Sa usa ka dakong dalan kini miagi, nga nag-inga samtang naglakaw, ug kini wala moliko sa tuo o sa wala. Sa kasamtangan ang manag-abin nga mga ginoo+ sa mga Filistehanon naglakaw sunod niini hangtod sa utlanan sa Bet-semes. 13  Ug ang katawhan sa Bet-semes nag-ani sa alanihon nga trigo+ didto sa ubos nga patag. Sa dihang ilang giyahat ang ilang mga mata ug nakita ang Arka, sila nagmaya sa pagkakita niini. 14  Ug ang karomata nahiabot sa yuta ni Josue nga taga-Bet-semes ug nagpabilin didto, diin may usa ka dakong bato. Ug ilang gibugha ang kahoy sa karomata, ug ang mga baka+ ilang gihalad ingong halad-nga-sinunog ngadto kang Jehova.+ 15  Ug gikanaog sa mga Levihanon+ ang arka ni Jehova ug ang kahon nga diha uban niini, nga gisudlan sa mga butang nga bulawan, ug gibutang nila kini sa ibabaw sa dakong bato. Ug ang mga taga-Bet-semes+ mismo naghalad ug mga halad-nga-sinunog, ug nagpadayon sila paghalad ug mga halad kang Jehova niadtong adlawa. 16  Ug ang lima ka manag-abin+ nga mga ginoo sa mga Filistehanon nakakita niini ug namalik sila sa Ekron niadtong adlawa. 17  Karon kini ang mga almoranas nga bulawan nga gihalad sa mga Filistehanon ingong halad-sa-pagkasad-an ngadto kang Jehova:+ alang sa Asdod+ usa, alang sa Gaza+ usa, alang sa Askelon+ usa, alang sa Gat+ usa, alang sa Ekron+ usa. 18  Ug ang mga ilagang jerbo nga bulawan maoy sumala sa gidaghanon sa tanang siyudad sa mga Filistehanon nga gipanag-iya sa lima ka manag-abin nga mga ginoo, gikan sa kinutaang siyudad hangtod sa balangay sa kapatagan. Ug ang dakong bato diin ilang gipahimutang ang arka ni Jehova maoy usa ka saksi hangtod niining adlawa sa yuta ni Josue nga taga-Bet-semes. 19  Ug iyang gipamatay ang mga taga-Bet-semes,+ tungod kay mitan-aw sila sa arka ni Jehova. Busa siya nagpatay sa katawhan ug kapitoan ka tawo—kalim-an ka libo ka tawo—ug ang katawhan nagbangotan tungod kay gihampak ni Jehova ang katawhan uban sa usa ka dakong pagpamatay.+ 20  Dugang pa, ang mga taga-Bet-semes miingon: “Kinsay makabarog sa atubangan ni Jehova, kining balaan nga Diyos,+ ug kinsay iyang adtoan gikan kanato?”+ 21  Sa kataposan sila nagpadalag mga mensahero sa mga molupyo sa Kiriat-jearim,+ nga nag-ingon: “Ang mga Filistehanon nag-uli sa arka ni Jehova. Lugsong kamo. Kuhaa ninyo kini.”+

Mga Footnote