Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Samuel 5:1-12

5  Kon bahin sa mga Filistehanon, gikuha nila ang arka+ sa matuod nga Diyos ug gidala kini gikan sa Ebenezer ngadto sa Asdod.+  Ug ang mga Filistehanon nagkuha sa arka sa matuod nga Diyos ug nagdala niini ngadto sa balay ni Dagon ug nagbutang niini tupad kang Dagon.+  Unya ang mga Asdodnon mibangon ug sayo pagkaugma, ug didto si Dagon napukan nga ang nawong nahiumod sa yuta atubangan sa arka ni Jehova.+ Busa ilang gikuha si Dagon ug gibalik siya sa iyang dapit.+  Sa dihang sila mibangon ug sayo sa buntag pagkasunod nga adlaw, didto si Dagon napukan nga ang nawong nahiumod sa yuta atubangan sa arka ni Jehova, nga ang ulo ni Dagon ug ang mga palad sa iyang duha ka kamot nangaputol, didto sa pultahan.+ Ang isda lamang nga bahin ang nahibilin diha kaniya.  Tungod niana ang mga saserdote ni Dagon ug ang tanang manulod sa balay ni Dagon dili motunob sa may pultahan ni Dagon didto sa Asdod hangtod niining adlawa.  Ug ang kamot ni Jehova+ mabug-at diha sa mga Asdodnon, ug siya nagpalisang kanila ug naghampak kanila sa mga almoranas,+ nga mao, ang Asdod ug ang mga teritoryo niini.  Ug ang mga tawo sa Asdod nakakita niini, ug sila miingon: “Ayaw ipabilin ang arka sa Diyos sa Israel uban kanato, tungod kay ang iyang kamot mabug-at batok kanato ug batok kang Dagon nga atong diyos.”+  Busa ilang gipasugoan ug gipatigom ang tanang manag-abin nga mga ginoo sa mga Filistehanon ngadto kanila ug miingon: “Unsa may atong buhaton sa arka sa Diyos sa Israel?” Sa kataposan sila miingon: “Dad-on ngadto sa Gat+ ang arka sa Diyos sa Israel.” Busa gidala nila didto ang arka sa Diyos sa Israel.  Ug nahitabo sa dihang nadala na nila kini didto, ang kamot ni Jehova+ midangat nganha sa siyudad uban ang usa ka dakong kaguliyang, ug iyang gihampak ang mga tawo sa siyudad, gikan sa gamay hangtod sa dako, ug gipang-almoranas+ sila. 10  Busa gipadala nila ang arka sa matuod nga Diyos ngadto sa Ekron.+ Ug nahitabo nga sa paghiabot gayod sa arka sa matuod nga Diyos didto sa Ekron, ang mga Ekronhon mituaw sa pag-ingon: “Gidala nila ang arka sa Diyos sa Israel kanako aron patyon ako ug ang akong katawhan!”+ 11  Busa ilang gipasugoan ug gipatigom ang tanang manag-abin nga mga ginoo sa mga Filistehanon ug miingon: “Ipahilayo ninyo ang arka sa Diyos sa Israel aron mahibalik kini sa iyang dapit ug aron ako ug ang akong katawhan dili patyon niini.” Kay nahitabo ang makamatay nga kaguliyang sa tibuok siyudad;+ ang kamot sa matuod nga Diyos mabug-at kaayo didto,+ 12  ug ang mga tawo nga wala mangamatay gihampak sa mga almoranas.+ Ug ang pagtuaw+ sa siyudad alang sa tabang nagpadayon sa pagsaka ngadto sa kalangitan.

Mga Footnote