Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Samuel 31:1-13

31  Karon ang mga Filistehanon nakig-away batok sa Israel,+ ug ang mga tawo sa Israel nangalagiw gikan sa atubangan sa mga Filistehanon, ug sila nangapukan nga pinatay+ didto sa Bukid sa Gilboa.+  Ug gigukod sa mga Filistehanon si Saul ug ang iyang mga anak nga lalaki; ug sa kataposan napatay sa mga Filistehanon si Jonatan+ ug si Abinadab+ ug si Malki-sua,+ mga anak nga lalaki ni Saul.  Ug migrabe ang pakig-away batok kang Saul, ug ang mga magpapana, ang nagagamit sa busogan, sa kataposan nakakaplag kaniya, ug siya nasamdan pag-ayo sa mga magpapana.+  Unya si Saul miingon sa iyang tigdala sa armadura: “Ibta ang imong espada+ ug dunggaba ako niini, aron dili moanhi kining mga dili-tinuli+ ug magdunggab kanako ug magaamong-among kanako.” Ug ang iyang tigdala sa armadura midumili,+ tungod kay siya nahadlok pag-ayo. Busa gikuha ni Saul ang espada ug miubo niini.+  Sa dihang nakita sa iyang tigdala sa armadura nga namatay na si Saul,+ siya usab miubo sa iyang kaugalingong espada ug namatay uban kaniya.+  Busa si Saul ug ang iyang tulo ka anak nga lalaki ug ang iyang tigdala sa armadura, bisan ang tanan niyang mga tawo, nagdungan pagkamatay niadtong adlawa.+  Sa dihang ang katawhan sa Israel nga didto sa rehiyon sa ubos nga patag ug didto sa rehiyon sa Jordan nakakita nga nangalagiw ang katawhan sa Israel, ug nga si Saul ug ang iyang mga anak nga lalaki namatay, nan sila namiya sa mga siyudad ug nangalagiw,+ nga human niana ang mga Filistehanon misulod ug mipuyo niini.+  Ug nahitabo sa pagkaugma nga, sa dihang ang mga Filistehanon miabot aron sa paghukas sa mga patay,+ ilang nakaplagan si Saul ug ang iyang tulo ka anak nga lalaki nga nangapukan sa Bukid sa Gilboa.+  Ug ilang gipunggotan ang iyang ulo+ ug gihukas ang iyang armadura ug gipadala ngadto sa yuta sa mga Filistehanon sa tibuok palibot aron sa pagpahibalo+ sa mga balay sa ilang mga idolo+ ug sa katawhan. 10  Sa kataposan ilang gibutang ang iyang armadura+ sa balay sa mga larawan ni Astoret,+ ug ang iyang patay nga lawas ilang gigaid sa paril sa Bet-san.+ 11  Ug kon bahin kaniya, ang mga molupyo sa Jabes-gilead+ nakadungog sa gibuhat sa mga Filistehanon kang Saul. 12  Dihadiha ang tanang maisog nga mga tawo nanindog ug nangadto sa tibuok gabii ug nagkuha sa patayng lawas ni Saul ug sa mga patayng lawas sa iyang mga anak nga lalaki gikan sa paril sa Bet-san ug nangadto sa Jabes ug nagsunog kanila didto.+ 13  Unya sila nagkuha sa ilang mga bukog+ ug naglubong+ niini sa ilalom sa kahoyng tamarisko+ didto sa Jabes, ug sila nagpuasa sulod sa pito ka adlaw.+

Mga Footnote