Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Samuel 3:1-21

3  Sa kasamtangan ang batang si Samuel nag-alagad+ kang Jehova sa atubangan ni Eli, ug ang pulong gikan kang Jehova+ talagsa ra niadtong mga adlawa;+ walay panan-awon+ nga gipakaylap.  Karon nahitabo niadtong adlawa nga si Eli naghigda sa iyang dapit, ug ang iyang mga mata nagsugod na sa pagkahalap;+ dili na siya makakita.  Ug ang lampara sa Diyos wala pa mapalong, ug si Samuel naghigda sa templo+ ni Jehova, diin didto ang arka sa Diyos.  Ug si Jehova mitawag kang Samuel. Niini siya miingon: “Ania ako.”+  Ug midagan siya ngadto kang Eli ug miingon: “Ania ako, kay ikaw nagtawag kanako.” Apan siya miingon: “Wala ako magtawag. Balik paghigda.” Busa siya mibalik ug mihigda.  Ug si Jehova mitawag pag-usab: “Samuel!”+ Niini si Samuel mibangon ug miadto kang Eli ug miingon: “Ania ako, kay ikaw nagtawag kanako.” Apan siya miingon: “Wala ako magtawag, anak ko.+ Balik paghigda.”  (Kon bahin kang Samuel, wala pa siya makaila kang Jehova, ug ang pulong ni Jehova wala pa ikapadayag kaniya.)+  Busa si Jehova mitawag pag-usab sa ikatulong higayon: “Samuel!” Dihadiha siya mibangon ug miadto kang Eli ug miingon: “Ania ako, kay nagtawag ka gayod kanako.” Ug nasabtan ni Eli nga si Jehova ang nagtawag sa bata.  Busa si Eli miingon kang Samuel: “Balik, higda, ug mahitabo nga, kon siya magtawag kanimo, ikaw magaingon, ‘Sulti, Jehova, kay ang imong alagad namati.’” Busa si Samuel mibalik ug mihigda sa iyang dapit. 10  Unya si Jehova miabot ug mipahimutang sa iyang kaugalingon ug mitawag sama sa ubang higayon: “Samuel, Samuel!” Niini si Samuel miingon: “Sulti, kay ang imong alagad namati.”+ 11  Ug si Jehova miingon kang Samuel: “Tan-awa! May buhaton+ ako sa Israel nga kon hidunggan ni bisan kinsa, ang duha niya ka dalunggan mosanting.+ 12  Nianang adlawa akong tumanon kang Eli ang tanan nga akong gisulti labot sa iyang balay, sukad sa sinugdan hangtod sa kataposan.+ 13  Ug sultihan mo siya nga akong hukman ang iyang balay+ hangtod sa panahong walay tino tungod sa kasaypanan nga iyang nahibaloan,+ tungod kay ang iyang mga anak nga lalaki nanghimaraot sa Diyos,+ ug siya wala magbadlong kanila.+ 14  Ug mao kana nga ako nanumpa sa balay ni Eli nga ang kasaypanan sa balay ni Eli dili mahigawas sa silot pinaagi sa halad o sa tanyag hangtod sa panahong walay tino.”+ 15  Ug si Samuel nagpabilin sa paghigda hangtod sa buntag. Unya iyang giablihan ang mga pultahan sa balay ni Jehova.+ Ug nahadlok si Samuel nga isulti kang Eli ang mahitungod sa nagpakita.+ 16  Apan si Eli mitawag kang Samuel ug miingon: “Samuel, anak ko!” Niini siya miingon: “Ania ako.” 17  Ug siya miingon: “Unsa man ang pulong nga iyang gisulti kanimo? Palihog, ayaw kana ililong kanako.+ Hinaot ang Diyos magbuhat niana kanimo ug hinaot siya magdugang pa niana+ kon ililong mo kanako ang usa ka pulong sa tanang pulong nga iyang gisulti kanimo.” 18  Busa gisugilon kaniya ni Samuel ang tanang pulong, ug wala niya ililong ang bisan unsa gikan kaniya. Niini siya miingon: “Si Jehova kadto. Kon unsa ang maayo sa iyang mga mata ipabuhat kaniya.”+ 19  Ug si Samuel nagpadayon sa pagtubo, ug si Jehova nag-uban kaniya+ ug wala magtugot nga may usa sa tanan niyang mga pulong ang mahulog sa yuta.+ 20  Ug ang tibuok Israel gikan sa Dan hangtod sa Beer-seba+ nahibalo nga si Samuel nahimong usa ka manalagna ni Jehova.+ 21  Ug si Jehova nagpakita pag-usab+ didto sa Shilo, tungod kay gipadayag ni Jehova ang iyang kaugalingon kang Samuel didto sa Shilo pinaagi sa pulong ni Jehova.+

Mga Footnote