Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Samuel 27:1-12

27  Apan, si David miingon sa iyang kasingkasing: “Moabot ang adlaw nga ako mahanaw pinaagi sa kamot ni Saul. Mas maayo pa alang kanako nga ako moikyas+ ngadto sa yuta sa mga Filistehanon;+ ug si Saul mawad-ag paglaom sa pagpangita pa kanako sa tibuok teritoryo sa Israel,+ ug ako makaikyas gayod gikan sa iyang kamot.”  Busa si David mitindog ug siya ug ang unom ka gatos ka tawo+ nga diha uban kaniya mitabok ngadto kang Akis+ nga anak nga lalaki ni Maok, ang hari sa Gat.  Ug si David nagpadayon sa pagpuyo uban kang Akis sa Gat, siya ug ang iyang mga tawo, ang tagsatagsa uban sa iyang panimalay,+ si David ug ang iyang duha ka asawa, si Ahinoam+ nga Jezreelinhon ug si Abigail,+ ang asawa ni Nabal, nga Carmelohanon.  Unya gitaho kang Saul nga si David mikalagiw ngadto sa Gat, ug busa wala na siya mangita pa kaniya pag-usab.+  Unya si David miingon kang Akis: “Kon, karon, ako nakakaplag ug pabor sa imong mga mata, pahatagi ako kanila ug usa ka dapit sa usa sa mga siyudad sa kabanikahan, aron ako makapuyo didto; kay nganong mopuyo ang imong sulugoon sa harianong siyudad uban kanimo?”  Busa gihatag ni Akis kaniya ang Ziklag+ niadtong adlawa. Tungod niini ang Ziklag nahimong bahin sa mga hari sa Juda hangtod niining adlawa.  Ug ang gidaghanon sa mga adlaw nga si David nagpuyo sa kabanikahan sa mga Filistehanon mikabat ug usa ka tuig ug upat ka bulan.+  Ug si David mitungas uban sa iyang mga tawo aron sa pagsulong sa mga Gesurihanon+ ug sa mga Girzihanon ug sa mga Amalekanhon;+ kay sila nagpuyo sa yuta nga nagsukad sa Telam+ hangtod sa Sur+ ug hangtod sa yuta sa Ehipto.  Ug gihampak ni David ang yuta, ug walay lalaki o babaye nga iyang gitipigang buhi;+ ug gikuha niya ang mga karnero ug mga baka ug mga asno ug mga kamelyo ug mga besti, ug human niini siya mipauli ug miadto kang Akis. 10  Unya si Akis miingon: “Diin man kamo misulong niining adlawa?” Niini si David miingon:+ “Sa habagatan sa Juda+ ug sa habagatan sa mga Jerameelinhon+ ug sa habagatan sa mga Kenihanon.”+ 11  Kon bahin sa lalaki ug babaye, si David walay gitipigang buhi aron dad-on ngadto sa Gat, nga nag-ingon: “Aron dili nila kami isugilon, nga magaingon, ‘Ingon niini ang gibuhat ni David.’”+ (Ug kini ang iyang pamaagi sa tanang adlaw nga siya nagpuyo sa kabanikahan sa mga Filistehanon.) 12  Ug si Akis mituo+ kang David, nga nag-ingon sa iyang kaugalingon: “Siya sa walay duhaduha nahimong lang-og taliwala sa iyang katawhang Israel;+ ug siya mahimo gayod nga akong sulugoon hangtod sa panahong walay tino.”

Mga Footnote