Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Pedro 5:1-14

5  Busa, ngadto sa mga ansiyano taliwala kaninyo ako naghatag niining tambaga, sanglit ako usa man usab ka ansiyano+ uban kanila ug usa ka saksi+ sa mga pag-antos ni Kristo, usa ka mag-aambit bisan sa himaya nga igapadayag unya:+  Bantayi+ ninyo ang panon sa Diyos+ nga ubos sa inyong pag-atiman, dili nga pinugos, kondili kinabubut-on;+ ni tungod sa gugma sa kinitaan pinaagig limbong,+ apan maikagon;  ni mahariharion+ ibabaw niadtong panulondon sa Diyos,+ apan mahimong mga panig-ingnan alang sa panon.+  Ug sa dihang ang pangulong magbalantay+ igapadayag na, inyong madawat ang dili-malawos+ nga purongpurong sa himaya.+  Sa samang paagi, kamong batan-ong mga lalaki, magpasakop+ kamo sa tigulang nga mga lalaki. Apan kamong tanan sul-obi ang inyong kaugalingon sa pagkamapainubsanon sa hunahuna ngadto sa usag usa,+ tungod kay ang Diyos magabatok sa mga mapahitas-on, apan magahatag siyag dili-takos nga kalulot sa mga mapainubsanon.+  Busa, ipaubos ang inyong kaugalingon ilalom sa gamhanang kamot sa Diyos, aron nga kamo iyang bayawon sa takdang panahon;+  samtang inyong itugyan kaniya ang tanan ninyong mga kabalaka,+ kay siya may kahingawa kaninyo.+  Hupti ninyo ang maayong panghunahuna, magmabinantayon.+ Ang inyong kaaway, ang Yawa, nagasuroysuroy sama sa usa ka leyon nga nagangulob, nga nagapangitag matukob.+  Apan barog kamo batok kaniya,+ malig-on sa pagtuo, kay nahibalo nga ang samang mga butang maylabot sa mga pag-antos nagakahitabo diha sa tibuok kapunongan sa inyong mga igsoon dinhi sa kalibotan.+ 10  Apan, human nga kamo makaantos sa makadiyot,+ ang Diyos sa tanang dili-takos nga kalulot, nga nagtawag kaninyo ngadto sa iyang walay kataposang himaya+ nga nahiusa+ kang Kristo, magtapos mismo sa inyong pagbansay, siya magpalig-on kaninyo,+ siya magpakusgan kaninyo.+ 11  Ngadto kaniya ang gahom+ hangtod sa kahangtoran. Amen. 12  Pinaagi kang Silvano,+ usa ka matinumanong igsoon, sumala sa pag-isip ko kaniya, gisulatan ko kamo sa pipila ka pulong,+ aron sa paghatag ug pagdasig ug usa ka matinuorong pagpamatuod nga kini ang matuod nga dili-takos nga kalulot sa Diyos; nga niana barog kamo nga malig-on.+ 13  Ang babaye nga ania sa Babilonya,+ nga usa ka pinili sama kaninyo, nangomosta kaninyo, ug ingon man si Marcos+ nga akong anak. 14  Pagkomostahay kamo sa usag usa uban ang halok sa gugma.+ Hinaot kamong tanan nga nahiusa kang Kristo makabaton ug kalinaw.+

Mga Footnote