Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Juan 5:1-21

5  Ang matag usa nga nagatuo nga si Jesus mao ang Kristo gipanganak gikan sa Diyos,+ ug ang matag usa nga nahigugma kaniya nga nagpahinabo sa pagpanganak nahigugma kaniya nga gipanganak gikan kaniya.+  Pinaagi niini kita mahibalo nga kita nahigugma+ sa mga anak sa Diyos,+ kon kita nahigugma sa Diyos ug nagatuman sa iyang mga sugo.+  Kay kini ang kahulogan sa paghigugma+ sa Diyos, nga atong bantayan ang iyang mga sugo;+ ug bisan pa ang iyang mga sugo dili mabug-at,+  tungod kay ang tanan nga gipanganak+ gikan sa Diyos nagadaog sa kalibotan.+ Ug kini ang pagdaog+ nga nakadaog+ sa kalibotan, ang atong pagtuo.+  Kinsa siya nga nagadaog+ sa kalibotan+ kondili siya nga may pagtuo+ nga si Jesus ang Anak sa Diyos?+  Kini siya ang mianhi pinaagi sa tubig ug sa dugo, si Jesu-Kristo; dili pinaagi sa tubig+ lamang, kondili pinaagi sa tubig ug sa dugo.+ Ug ang espiritu+ mao ang nagpamatuod, tungod kay ang espiritu mao ang kamatuoran.  Kay adunay tulo nga tigpamatuod,  ang espiritu+ ug ang tubig+ ug ang dugo,+ ug ang tulo nagakauyon.+  Kon ginadawat nato ang pamatuod nga gihatag sa mga tawo,+ ang pamatuod nga gihatag sa Diyos mas labaw pa, tungod kay kini ang pamatuod nga gihatag sa Diyos, ang kamatuoran nga siya nagpamatuod+ mahitungod sa iyang Anak. 10  Ang tawo nga nagbutang sa iyang pagtuo sa Anak sa Diyos may pamatuod+ nga gihatag kaniya. Ang tawo nga walay pagtuo sa Diyos naghimo kaniya nga bakakon,+ tungod kay siya wala magbutang sa iyang pagtuo sa pamatuod nga gihatag,+ diin ang Diyos ingong saksi+ nagpamatuod labot sa iyang Anak. 11  Ug kini ang pamatuod nga gihatag, nga ang Diyos naghatag kanato ug kinabuhing walay kataposan,+ ug kini nga kinabuhi anaa sa iyang Anak.+ 12  Siya nga nakabaton sa Anak nakabaton niini nga kinabuhi; siya nga wala makabaton sa Anak sa Diyos wala makabaton niini nga kinabuhi.+ 13  Ako nagsulat kaninyo niining mga butanga aron kamo mahibalo nga kamo adunay kinabuhing walay kataposan,+ kamo nga nagbutang sa inyong pagtuo sa ngalan sa Anak sa Diyos.+ 14  Ug kini ang pagsalig nga atong nabatonan diha kaniya,+ nga, bisan unsay atong pangayoon sumala sa iyang kabubut-on, siya magpatalinghog kanato.+ 15  Dugang pa, kon kita nahibalo nga siya magpatalinghog kanato labot sa bisan unsay atong pangayoon,+ kita nahibalo nga atong mabatonan ang mga butang nga atong gipangayo sanglit gipangayo man nato kini kaniya.+ 16  Kon adunay makakita sa iyang igsoon nga nakasala sa sala nga dili makamatay,+ siya mangamuyo, ug siya maghatag ug kinabuhi kaniya,+ oo, alang kanilang wala makasala sa paagi nga makamatay.+ Adunay sala nga makamatay. Labot nianang salaa nga ako wala magsulti kaniya nga mangamuyo.+ 17  Ang tanang pagkadili-matarong maoy sala;+ apan adunay sala nga dili makamatay. 18  Kita nahibalo nga ang matag tawo nga gipanganak gikan sa Diyos+ dili magpakasala, hinunoa ang Usa+ nga gipanganak gikan sa Diyos nagbantay kaniya, ug ang usa nga daotan dili makahawid kaniya.+ 19  Kita nahibalo nga kita nagagikan sa Diyos,+ apan ang tibuok kalibotan nailalom sa gahom sa usa nga daotan.+ 20  Apan kita nahibalo nga ang Anak sa Diyos mianhi,+ ug siya naghatag kanato ug katakos sa pagsabot+ aron kita makabaton ug kahibalo sa usa nga matuod.+ Ug kita nahiusa+ sa usa nga matuod, pinaagi sa iyang Anak nga si Jesu-Kristo. Kini ang matuod+ nga Diyos ug ang kinabuhing walay kataposan.+ 21  Minahal nga mga anak, pagbantay kamo gikan sa mga idolo.+

Mga Footnote