Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Hari 5:1-18

5  Ug si Hiram+ nga hari sa Tiro+ nagpadala sa iyang mga alagad+ ngadto kang Solomon, kay iyang nadungog nga siya mao ang ilang gidihogan ingong hari puli sa iyang amahan; kay si Hiram kanunayng nahigugma kang David.+  Sa baylo si Solomon nagpasugo ngadto kang Hiram, nga nag-ingon:+  “Ikaw nahibalo pag-ayo nga si David nga akong amahan wala makahimo sa pagtukod ug usa ka balay alang sa ngalan ni Jehova nga iyang Diyos tungod sa panaggubat+ nga ilang gilibot kaniya, hangtod nga gibutang sila ni Jehova ilalom sa mga lapalapa sa iyang mga tiil.  Ug karon si Jehova nga akong Diyos naghatag kanako ug pahulay sa tibuok palibot.+ Walay magsusukol, ug walay daotan nga nagakahitabo.+  Ug ania, ako nagahunahuna sa pagtukod ug usa ka balay alang sa ngalan ni Jehova nga akong Diyos,+ ingon sa gisaad ni Jehova kang David nga akong amahan, nga nag-ingon, ‘Ang imong anak nga lalaki nga akong ibutang sa imong trono puli kanimo, siya mao ang magtukod sa balay alang sa akong ngalan.’+  Ug karon pagsugo nga sila magputol alang kanako ug mga sedro gikan sa Lebanon;+ ug ang akong mga alagad magauban sa imong mga alagad, ug ang suhol sa imong mga alagad akong ihatag kanimo sumala sa tanan mong isulti, kay ikaw nahibalo pag-ayo nga walay usa taliwala kanamo ang mahibalong moputol ug mga kahoy sama sa mga taga-Sidon.”+  Ug nahitabo nga sa pagkadungog gayod ni Hiram+ sa mga pulong ni Solomon, siya nagmaya pag-ayo, ug siya nagkanayon: “Dalayegon+ si Jehova karong adlawa sa pagkaagi nga iyang gihatagan si David ug usa ka maalamong+ anak nga lalaki nga mangulo niining daghang katawhan!”+  Busa si Solomon gipaadtoan ni Hiram, nga nag-ingon: “Akong nadungog kon unsay imong gipasugo ngari kanako. Sa akong bahin, akong buhaton ang tanang makapahimuot kanimo maylabot sa mga kahoy nga sedro ug mga kahoy nga junipero.+  Ang akong mga alagad maglugsong kanila gikan sa Lebanon+ ngadto sa dagat; ug ako, sa akong bahin, magbutang kanila diha sa mga gakit aron ipaganoy sa dagat ngadto sa dapit nga imong ipahibalo kanako;+ ug tino nga akong ipabungkag kini sila didto, ug ikaw, sa imong bahin, magdala kanila; ug ikaw, sa imong bahin, mobuhat sa makapahimuot kanako pinaagi sa paghatag ug pagkaon alang sa akong panimalay.”+ 10  Busa si Hiram nahimong maghahatag kang Solomon ug mga kahoy nga sedro ug mga kahoy nga junipero sumala sa tanan niyang gikahimut-an. 11  Ug si Solomon, sa iyang bahin, naghatag kang Hiram ug kawhaan ka libo ka cor+ nga sukod sa trigo ingong taganang pagkaon alang sa iyang panimalay ug kawhaan ka cor nga sukod sa lana nga gikan sa linubok nga olibo.+ Mao kana ang gihatag ni Solomon kang Hiram tuigtuig.+ 12  Ug si Jehova, sa iyang bahin, naghatag kang Solomon ug kaalam, ingon sa iyang gisaad kaniya;+ ug dihay pakigdait tali kang Hiram ug Solomon, ug silang duha naghimo ug pakigsaad. 13  Ug gipangdala ni Haring Solomon kadtong mga gipaapil sa pinugos nga trabaho gikan sa tibuok Israel; ug kadtong mga gipaapil sa pinugos nga trabaho+ mikabat ug katloan ka libo ka tawo. 14  Ug iyang ipadala sila ngadto sa Lebanon nga relibohay, nga napulo ka libo sa usa ka bulan. Sa usa ka bulan sila magpabilin didto sa Lebanon, sa duha ka bulan sa ilang mga panimalay;+ ug si Adoniram+ maoy nagdumala niadtong mga gipaapil+ sa pinugos nga trabaho.+ 15  Ug si Solomon nakabaton+ ug kapitoan ka libo nga mga tigpas-an+ ug kawaloan ka libo nga mga magtatabas sa bato+ didto sa bukid,+ 16  gawas pa sa prinsipenhong mga luyoluyo+ ni Solomon nga nagdumala sa trabaho, tulo ka libo ug tulo ka gatos ka kapatas+ nga nagdumala sa katawhan nga aktibo sa buluhaton. 17  Niana ang hari nagsugo nga sila magkubkob ug dagkong bato, mahalong mga bato,+ aron pahimutangan ang patukoranan+ sa balay ug sinapsapang mga bato.+ 18  Busa ang mga magtutukod ni Solomon ug ang mga magtutukod ni Hiram ug ang mga Gebalnon+ mihimo sa pagpanabas, ug nag-andam sila sa mga kahoy ug sa mga bato sa pagtukod sa balay.

Mga Footnote