Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Cronicas 28:1-21

28  Ug gitigom ni David ang tanang prinsipe+ sa Israel, ang mga prinsipe+ sa mga tribo ug ang mga prinsipe+ sa mga dibisyon niadtong nag-alagad sa hari ug ang mga pangulo sa linibo+ ug ang mga pangulo sa ginatos+ ug ang mga pangulo sa tanang manggad+ ug sa kahayopan+ sa hari ug sa iyang mga anak nga lalaki,+ uban sa mga opisyal sa palasyo+ ug sa mga tawong gamhanan,+ bisan ang tanang maisog, gamhanan nga tawo, ngadto sa Jerusalem.  Unya si David nga hari mitindog ug miingon: “Paminaw kanako, akong mga igsoon ug akong katawhan. Kon bahin kanako, duol sa akong kasingkasing+ ang pagtukod ug usa ka balay nga kapahulayan alang sa arka sa pakigsaad ni Jehova ug ingong tumbanan sa tiil+ sa atong Diyos, ug ako nakapangandam na aron sa pagtukod.+  Ug ang matuod nga Diyos miingon kanako, ‘Dili ka magtukod ug usa ka balay alang sa akong ngalan;+ kay ikaw tawo sa mga gubat, ug nagpabanaw ka ug dugo.’+  Busa si Jehova nga Diyos sa Israel nagpili nako gikan sa tibuok balay sa akong amahan+ aron mahimong hari+ sa Israel hangtod sa panahong walay tino; tungod kay si Juda mao ang iyang gipili ingong pangulo,+ ug sa balay ni Juda nga balay sa akong amahan,+ ug taliwala sa mga anak nga lalaki sa akong amahan,+ ako mao ang iyang giuyonan,+ sa paghimo kanako nga hari sa Israel;  ug gikan sa tanan kong mga anak (tungod kay daghan ang anak nga gihatag ni Jehova kanako)+ siya mipili kang Solomon+ nga akong anak sa paglingkod sa trono+ sa pagkahari ni Jehova sa Israel.  “Dugang pa, siya miingon kanako, ‘Si Solomon nga imong anak mao ang magtukod sa akong balay+ ug sa akong mga sawang; tungod kay ako nagpili kaniya ingong akong anak,+ ug ako mahimong iyang amahan.+  Ug tukoron ko gayod nga lig-on ang iyang pagkahari+ hangtod sa panahong walay tino kon siya lig-ong mohukom sa pagbuhat sa akong mga sugo+ ug sa akong hudisyal nga mga hukom,+ ingon niining adlawa.’  Ug karon, atubangan sa mga mata sa tibuok Israel, ang kongregasyon ni Jehova,+ ug sa mga igdulungog sa atong Diyos,+ bantayi ug pangitaa ang tanang sugo ni Jehova nga inyong Diyos, aron inyong mapanag-iya ang maayong yuta+ ug ikahatag gayod kini ingong panulondon ngadto sa inyong mga anak hangtod sa panahong walay tino.  “Ug ikaw, Solomon nga akong anak, ilha+ ang Diyos sa imong amahan ug alagara+ siya uban ang bug-os nga kasingkasing+ ug uban ang malipayon nga kalag;+ kay ang tanang kasingkasing ginasusi ni Jehova,+ ug ang matag kiling sa hunahuna iyang ginaila.+ Kon ikaw mangita kaniya, iyang itugot nga siya imong makaplagan;+ apan kon ikaw mobiya kaniya,+ siya magsalikway kanimo hangtod sa kahangtoran.+ 10  Tan-awa, karon, sanglit si Jehova nagpili kanimo sa pagtukod ug usa ka balay ingon nga sangtuwaryo. Magmaisogon ug lihok.”+ 11  Ug gihatag ni David kang Solomon nga iyang anak ang plano sa arkitektura+ sa portiko+ ug sa mga balay niini ug sa mga lawak-tipiganan+ niini ug sa mga lawak-sa-atop+ niini ug sa mga ngitngit nga lawak sa sulod niini ug sa balay sa tabon sa pagpasig-uli;+ 12  bisan ang plano sa arkitektura sa tanang butang nga diha kaniya pinaagi sa pagdasig+ alang sa mga sawang+ sa balay ni Jehova ug alang sa tanang lawak-kan-anan+ palibot, alang sa mga bahandi sa balay sa matuod nga Diyos ug alang sa mga bahandi sa mga butang nga gibalaan;+ 13  ug alang sa mga dibisyon+ sa mga saserdote ug sa mga Levihanon ug alang sa tanang buluhaton sa pag-alagad sa balay ni Jehova ug alang sa tanang galamiton sa pag-alagad sa balay ni Jehova; 14  alang sa bulawan nga tinimbang, ang bulawan alang sa tanang galamiton alang sa nagkalainlaing pag-alagad, alang sa tanang galamiton nga plata nga tinimbang, alang sa tanang galamiton+ alang sa nagkalainlaing pag-alagad; 15  ug ang timbang alang sa mga tangkawan+ nga bulawan ug sa ilang mga lampara nga bulawan, sumala sa timbang sa nagkalainlaing tangkawan ug sa ilang mga lampara, ug alang sa mga tangkawan nga plata sumala sa timbang para sa tangkawan ug sa mga lampara niini sumala sa pag-alagad sa nagkalainlaing mga tangkawan; 16  ug ang bulawan nga tinimbang alang sa mga lamesa sa tinapayng linut-od,+ alang sa lainlaing lamesa, ug plata alang sa mga lamesa nga plata; 17  ug ang mga tenedor ug ang mga panaksan+ ug ang mga pitsil nga lunsayng bulawan, ug alang sa gagmay nga panaksang bulawan+ sumala sa timbang alang sa nagkalainlaing gagmayng panaksan, ug alang sa gagmayng panaksan nga plata sumala sa timbang alang sa nagkalainlaing gagmayng panaksan; 18  ug alang sa halaran+ sa insenso nga dinalisayng bulawan nga tinimbang ug alang sa larawan sa karo,+ nga mao, ang mga kerubin+ nga bulawan sa pagbukhad sa ilang mga pako ug sa pagsalipod sa ibabaw sa arka sa pakigsaad ni Jehova. 19  “Siya naghatag ug hait nga salabotan alang sa tanang butang nga sinulat+ gikan sa kamot ni Jehova nganhi kanako, bisan sa tanang buluhaton sa plano sa arkitektura.”+ 20  Ug si David nagkanayon kang Solomon nga iyang anak: “Magmaisogon+ ug magmakusganon ug lihok. Ayaw kahadlok+ ni malisang,+ kay si Jehova nga Diyos, ang akong Diyos, nag-uban kanimo.+ Siya dili motalikod kanimo+ ni mobiya kanimo hangtod nga mahuman ang tanang buluhaton sa pag-alagad sa balay ni Jehova. 21  Ug ania ang mga dibisyon sa mga saserdote+ ug sa mga Levihanon+ alang sa tanan nga pag-alagad sa balay sa matuod nga Diyos; ug uban kanimo sa tanang buluhaton anaa ang tanang andam+ nga tawo nga may kahanas sa tanan nga pag-alagad,+ ug usab ang mga prinsipe+ ug ang tanang katawhan, alang sa tanan nimong mga pulong.”

Mga Footnote