Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Cronicas 22:1-19

22  Unya si David miingon: “Kini mao ang balay+ ni Jehova nga matuod nga Diyos, ug kini maoy usa ka halaran+ alang sa halad-nga-sinunog alang sa Israel.”  Nagsugo karon si David nga tigomon ang mga langyawng pumoluyo+ nga didto sa yuta sa Israel, ug dayon iyang gibutang sila ingong mga tigsapsap sa bato+ aron sa pagsapsap ug kuwadradong mga bato+ sa pagtukod sa balay sa matuod nga Diyos.  Ug giandam ni David ang puthaw nga daghan kaayo alang sa mga lansang nga para sa mga pultahan sa mga ganghaan ug alang sa mga lugpit, ug ang tumbaga usab sa gidaghanon nga dili matimbang,+  ug mga kahoyng sedro+ usab nga dili maihap; kay ang mga taga-Sidon+ ug mga taga-Tiro+ nagdalag mga kahoyng sedro nga daghan kaayo ngadto kang David.  Busa si David miingon: “Si Solomon nga akong anak maoy batan-on ug linghod pa,+ ug ang balay nga pagatukoron alang kang Jehova labi gayod ka halangdon+ tungod sa talagsaong katahom+ sa tanang kayutaan. Nan, himoon ko ang pagpangandam alang kaniya.” Busa si David naghimog dako gayod nga pagpangandam sa wala pa ang iyang kamatayon.+  Dugang pa, iyang gitawag si Solomon nga iyang anak aron sa pagsugo kaniya sa pagtukod ug usa ka balay alang kang Jehova nga Diyos sa Israel.  Ug si David nagkanayon kang Solomon nga iyang anak: “Kon bahin kanako, nahimong duol sa akong kasingkasing+ ang pagtukod ug usa ka balay alang sa ngalan+ ni Jehova nga akong Diyos.  Apan ang pulong ni Jehova midangat batok kanako, nga nag-ingon, ‘Daghan kaayong dugo ang imong gipabanaw,+ ug ikaw nakigsangka ug dagkong mga gubat.+ Ikaw dili magtukod ug balay alang sa akong ngalan,+ tungod kay daghan kaayong dugo ang imong gipabanaw sa yuta sa akong atubangan.  Tan-awa! Adunay usa ka anak nga lalaki+ nga matawo kanimo. Siya mao unyay usa ka tawong malinawon, ug ako tinong maghatag kaniya ug pahulay gikan sa tanan niyang mga kaaway sa tibuok palibot;+ kay Solomon+ ang mahimo niyang ngalan, ug pakigdait+ ug kalinaw akong ihatag sa Israel sa iyang mga adlaw. 10  Siya mao ang magtukod ug usa ka balay alang sa akong ngalan,+ ug siya mahimong usa ka anak+ alang kanako, ug ako usa ka amahan+ alang kaniya. Ug lig-on ko gayong pagatukoron ang trono sa iyang pagkahari+ ibabaw sa Israel hangtod sa panahong walay tino.’ 11  “Karon, anak ko, hinaot si Jehova magauban kanimo, ug ikaw magmalamposon gayod ug magtukod sa balay ni Jehova nga imong Diyos, ingon sa iyang gisulti mahitungod kanimo.+ 12  Hinaot ihatag unta ni Jehova kanimo ang kaalam ug ang pagsabot,+ ug hinaot siya maghatag kanimo ug sugo mahitungod sa Israel sa pagtuman gayod sa balaod ni Jehova nga imong Diyos.+ 13  Niana ikaw magmalamposon+ kon ikaw magbantay sa pagtuman sa mga regulasyon+ ug sa hudisyal nga mga hukom+ nga gisugo ni Jehova+ kang Moises labot sa Israel. Magmaisogon ug magmakusganon ka.+ Ayaw kahadlok+ ni malisang.+ 14  Ug ania, panahon sa akong kasakitan+ ako nag-andam alang sa balay ni Jehova ug usa ka gatos ka libo ka talantong bulawan+ ug usa ka milyon ka talantong plata, ug ang tumbaga+ ug ang puthaw+ walay paaging matimbang tungod kay kini labihan ka daghan; ug ako nag-andam ug mga kahoy ug mga bato, apan dugangan mo kini sila. 15  Ug uban nimo adunay daghan kaayong magabuhat sa buluhaton, mga tigsapsap sa bato ug mga magbubuhat sa bato+ ug mga panday ug tanang hanas sa tanang matang sa trabaho.+ 16  Ang bulawan, ang plata ug ang tumbaga ug ang puthaw walay paaging maihap.+ Tindog ug lihok,+ ug hinaot si Jehova magauban kanimo.”+ 17  Ug si David nagsugo sa tanang prinsipe sa Israel sa pagtabang kang Solomon nga iyang anak nga lalaki: 18  “Dili ba si Jehova nga inyong Diyos nag-uban kaninyo,+ ug wala ba siya maghatag kaninyo ug pahulay sa tibuok palibot?+ Kay iyang gihatag sa akong kamot ang mga molupyo sa yuta, ug ang yuta nasakop sa atubangan ni Jehova+ ug sa atubangan sa iyang katawhan. 19  Karon ibutang ang inyong kasingkasing ug ang inyong kalag+ sa pagpakisayod kang Jehova nga inyong Diyos,+ ug tindog ug tukora ang sangtuwaryo+ ni Jehova nga matuod nga Diyos,+ sa pagdala sa arka+ sa pakigsaad ni Jehova ug sa balaang mga galamiton sa matuod nga Diyos ngadto sa balay nga gitukod alang sa ngalan+ ni Jehova.”

Mga Footnote