Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Cronicas 20:1-8

20  Ug nahitabo sa panahon sa pagsugod pag-usab sa tuig,+ sa panahon nga ang mga hari mosulong,+ nga si Joab nanguna sa pangkombateng puwersa sa kasundalohan+ ug gigun-ob ang yuta sa mga anak sa Ammon ug miadto ug milikos sa Raba,+ samtang si David nagpabilin sa Jerusalem; ug si Joab miadto sa paghampak+ sa Raba ug sa paglumpag niini.  Apan gikuha ni David ang korona ni Malcam gikan sa ulo niini,+ ug nasayran nga kini nagtimbang ug usa ka talanton nga bulawan, ug may bililhong mga bato niini; ug kini gibutang sa ulo ni David. Ug daghan kaayo+ ang iyang nadala nga inagaw sa siyudad.  Ug ang katawhan nga diha niana iyang gipangdala, ug iya silang gipatrabaho+ diha sa pagpanggabas ug bato ug sa mahait nga mga kahimanan nga puthaw ug sa mga atsa;+ ug ingon niana ang gibuhat ni David sa tanang siyudad sa mga anak sa Ammon. Sa kataposan si David ug ang tibuok katawhan namauli sa Jerusalem.  Ug nahitabo human niini nga ang gubat misugod sa pag-ulbo didto sa Gezer+ batok sa mga Filistehanon.+ Niadtong panahona si Sibecai+ nga Husahanon nagpatay kang Sipai nga usa sa mga natawo sa mga Repaim,+ mao nga sila nabuntog.  Ug dihay nahitabo na usab nga gubat batok sa mga Filistehanon; ug si Elhanan+ nga anak nga lalaki ni Jair nagpatay kang Lami nga igsoong lalaki ni Goliat+ nga Gitihanon, kansang kuptanan sa bangkaw sama sa likisan sa mga maghahabol.+  Ug dihay nahitabo na usab nga gubat sa Gat,+ sa dihang niadtong higayona may usa ka tawo nga talagsaon ka dako+ kansang mga tudlo sa kamot ug sa tiil tagun-om, kawhaag-upat;+ ug siya, usab, natawo sa mga Repaim.+  Ug siya kanunayng nagyubit+ sa Israel. Sa kataposan si Jonatan nga anak nga lalaki ni Simea+ nga igsoong lalaki ni David nagpatay kaniya.  Mao kini sila ang nangatawo sa mga Repaim+ sa Gat;+ ug sila nangapukan+ pinaagi sa kamot ni David ug pinaagi sa kamot sa iyang mga alagad.

Mga Footnote