Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Cronicas 19:1-19

19  Ug nahitabo human niana nga si Nahas+ nga hari sa mga anak sa Ammon namatay, ug ang iyang anak nga lalaki misugod sa paghari puli niya.+  Niana si David miingon: “Ako magpakita ug mahigugmaong-kalulot+ kang Hanun nga anak nga lalaki ni Nahas, tungod kay ang iyang amahan nagpakita ug mahigugmaong-kalulot kanako.”+ Busa si David nagpasugo ug mga mensahero aron sa paghupay kaniya tungod sa iyang amahan, ug ang mga alagad ni David nangadto sa yuta sa mga anak ni Ammon+ ngadto kang Hanun aron sa paghupay kaniya.  Apan, ang mga prinsipe sa mga anak sa Ammon miingon kang Hanun: “Si David nagpasidungog ba sa imong amahan diha sa imong mga mata nga siya nagpadala man ug mga maghuhupay kanimo? Dili ba kaha aron sa paghimog bug-os nga pagsusi ug sa pagpahinabog pagkapukan ug sa pagpangespiya+ sa yuta nga ang iyang mga alagad nanganhi kanimo?”+  Busa gikuha ni Hanun ang mga alagad ni David+ ug gibarbasan sila+ ug giputol ang ilang mga besti abot sa ilang sampot+ ug gipalakaw sila.+  Sa ulahi ang katawhan nangadto ug gisultihan si David bahin sa mga tawo; ug dihadiha siya nagpasugo aron sa pagsugat kanila, tungod kay sila nga mga tawo nangaulaw pag-ayo; ug ang hari miingon: “Pabilin kamo sa Jerico+ hangtod manubo na pag-ayo ang inyong mga bungot. Unya pamauli kamo.”  Unya nakita sa mga anak sa Ammon nga sila nahimong baho+ alang kang David, ug si Hanun+ ug ang mga anak sa Ammon nagpadala ug usa ka libong talanton+ nga plata aron mag-abang ug mga karo+ ug mga mangangabayo gikan sa Mesopotamia ug gikan sa Aram-maaca+ ug gikan sa Zoba.+  Busa sila nag-abang alang nila ug katloag-duha ka libo nga karo+ ug sa hari sa Maaca ug sa iyang katawhan.+ Unya sila nangabot ug nagkampo sa atubangan sa Medeba;+ ug bahin sa mga anak ni Ammon, sila nagtigom gikan sa ilang mga siyudad ug karon nangadto alang sa gubat.  Sa dihang nakadungog si David niini, dihadiha iyang gipadala si Joab+ ug ang tibuok kasundalohan ug ang mga tawong gamhanan.+  Ug ang mga anak sa Ammon nanggula ug mihan-ay sa pagpakiggubat diha sa ganghaan sa siyudad, ug ang mga hari+ nga nangabot diha mismo sa kapatagan. 10  Sa dihang nakita ni Joab nga ang mga pag-asdang sa gubat maoy batok kaniya gikan sa atubangan ug sa luyo, siya dihadiha nagpilig pipila sa tanang piniling mga tawo sa Israel ug nagpahan-ay kanila aron sa pagsugat sa mga Siryanhon.+ 11  Ug ang uban pa sa katawhan iyang gihatag sa kamot ni Abisai+ nga iyang igsoong lalaki, aron sila mohan-ay sa pagsugat sa mga anak sa Ammon.+ 12  Ug siya miingon: “Kon ang mga Siryanhon+ kusganon ra alang kanako, nan ikaw magsilbi usab nga kaluwasan alang kanako;+ apan kon ang mga anak sa Ammon kusganon ra alang kaninyo, ako usab magluwas kanimo.+ 13  Magmakusganon,+ aron atong ikapakita nga kita maisog alang sa atong katawhan ug alang sa mga siyudad sa atong Diyos;+ ug kon bahin kang Jehova, iyang buhaton kon unsay maayo sa iyang mga mata.”+ 14  Unya si Joab ug ang katawhan nga uban niya miabante sa atubangan sa mga Siryanhon sa pagpakiggubat,+ ug sila nangalagiw+ gikan sa iyang atubangan. 15  Kon bahin sa mga anak sa Ammon, nakita nila nga nangalagiw ang mga Siryanhon, ug sila usab nangalagiw+ gikan sa atubangan ni Abisai nga iyang igsoong lalaki ug unya nanulod sa siyudad.+ Sa ulahi si Joab misulod sa Jerusalem. 16  Sa dihang nakita sa mga Siryanhon nga sila napildi+ atubangan sa Israel, sila nagsugo ug mga mensahero ug nagpagawas sa mga Siryanhon nga didto sa rehiyon sa Suba,+ uban ni Sopak nga pangulo sa kasundalohan ni Hadadezer nga nanguna kanila. 17  Sa dihang kini gitaho kang David, dihadiha iyang gitigom ang tibuok Israel ug mitabok sa Jordan ug miadto kanila ug mihan-ay batok kanila.+ Sa dihang si David mihan-ay alang sa gubat aron sa pagsugat sa mga Siryanhon, sila nakig-away batok kaniya. 18  Apan ang mga Siryanhon nangalagiw+ tungod sa Israel; ug si David nagpatay sa mga Siryanhon ug pito ka libong magkakaro ug kap-atan ka libong sundalo nga nagbaktas, ug si Sopak nga pangulo sa kasundalohan iyang gipatay.+ 19  Sa dihang nakita sa mga alagad ni Hadadezer nga sila napildi atubangan sa Israel,+ sila dihadiha nakigdait kang David ug misugod sa pag-alagad kaniya;+ ug ang Sirya dili na buot nga mosulay pa sa pagluwas sa mga anak sa Ammon.+

Mga Footnote