Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

1 Cronicas 14:1-17

14  Ug si Hiram+ nga hari sa Tiro+ nagpadalag mga mensahero ngadto kang David ug mga kahoyng sedro+ ug mga magtutukod sa mga paril ug mga panday aron tukoran siya ug usa ka balay.+  Ug si David nahibalo nga si Jehova lig-ong nagpahimutang+ kaniya ingong hari sa Israel, kay ang iyang pagkahari nabayaw pag-ayo tungod sa iyang katawhang Israel.+  Ug si David nagkuhag dugang mga asawa+ sa Jerusalem, ug si David nanganak ug dugang mga anak nga lalaki ug mga babaye.+  Ug mao kini ang mga ngalan sa mga anak nga iyang nabatonan didto sa Jerusalem: si Samua+ ug si Sobab,+ si Natan+ ug si Solomon,+  ug si Ibhar+ ug si Elisua ug si Elpelet,+  ug si Noga ug si Nepeg+ ug si Japia,  ug si Elisama+ ug si Beeliada ug si Elipelet.+  Ug nadunggan sa mga Filistehanon nga si David gidihogan ingong hari sa tibuok Israel.+ Niana ang tanang Filistehanon miadto aron sa pagpangita kang David.+ Sa pagkadungog ni David niini, siya migula batok kanila.  Ug ang mga Filistehanon, sa ilang bahin, nangabot ug nagsigeg panulong sa ubos nga patag sa Repaim.+ 10  Ug si David nagpakisayod sa Diyos,+ nga nag-ingon: “Motungas ba ako batok sa mga Filistehanon, ug itugyan mo ba gayod sila sa akong kamot?” Niini si Jehova miingon kaniya: “Tungas, ug itugyan ko gayod sila sa imong kamot.” 11  Busa si David mitungas ngadto sa Baal-perazim+ ug didto gipukan sila. Niana si David miingon: “Ang matuod nga Diyos nagbungkag sa akong mga kaaway pinaagi sa akong kamot sama sa usa ka gawang nga nahimo pinaagi sa mga tubig.” Mao nga ilang gitawag ang ngalan niadtong dapita+ nga Baal-perazim. 12  Busa ilang gibiyaan ang ilang mga diyos didto.+ Unya si David nagsugo, mao nga kini gisunog sa kalayo.+ 13  Sa ulahi ang mga Filistehanon misulong pag-usab didto sa ubos nga patag.+ 14  Niana si David nagpakisayod+ pag-usab sa Diyos, ug ang matuod nga Diyos karon miingon kaniya: “Ayaw pagtungas aron sa paggukod kanila. Lipot nga dili mosugat batok kanila, ug ikaw moadto kanila sa atubangan sa mga kahoykahoy nga baca.+ 15  Ug mahitabo nga, inigkadungog nimo sa dahunog sa pagmartsa didto sa mga tumoy sa mga kahoykahoy nga baca,+ nan gula aron sa pagpakig-away,+ tungod kay ang matuod nga Diyos nakagula na nga una kanimo+ aron sa paglaglag sa kampo sa mga Filistehanon.” 16  Busa si David nagbuhat sumala gayod sa gisugo sa matuod nga Diyos kaniya,+ ug ilang gilaglag ang kampo sa mga Filistehanon gikan sa Gabaon+ hangtod sa Gezer.+ 17  Ug ang kabantog+ ni David mikaylap sa tanang kayutaan, ug gibutang ni Jehova ang kalisang kaniya sa ibabaw sa tanang kanasoran.+

Mga Footnote