Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

1 Corinto 13:1-13

13  Kon ako nagasulti sa mga pinulongan+ sa mga tawo ug sa mga manulonda apan walay gugma, ako nahimong usa ka banha nga tulonggong tumbaga o usa ka nagapangkaay nga piyangpiyang.+  Ug kon ako may gasa sa pagpanagna+ ug sinati sa tanang sagradong mga tinago+ ug sa tanang kahibalo,+ ug kon nabatonan ko ang tanan nga pagtuo aron ilalin ang mga bukid,+ apan walay gugma, ako walay kapuslanan.+  Ug kon ihatag ko ang tanan kong mga gipanag-iya aron pakaonon ang uban,+ ug kon itugyan ko ang akong lawas,+ aron ako makapanghambog, apan walay gugma,+ kini dili magapulos kanako.  Ang gugma+ hataas-ug-pailob+ ug maluloton.+ Ang gugma dili abughoan,+ kini dili manghambog,+ dili magpaburot,+  dili bastos,+ dili mangita sa kaugalingong kaayohan niini,+ dili mapasuko.+ Kini dili maghupot ug talaan sa kadaot.+  Kini dili magmaya sa pagkadili-matarong,+ apan magmaya uban sa kamatuoran.+  Kini moantos sa tanang butang,+ motuo sa tanang butang,+ molaom sa tanang butang,+ molahutay sa tanang butang.+  Ang gugma dili gayod mapakyas.+ Apan kon aduna may mga gasa sa pagpanagna, kini sila wagtangon ra; kon aduna may pagsultig lainlaing mga pinulongan, kini sila mohunong; kon aduna may kahibalo, kini wagtangon ra.+  Kay dili pa bug-os ang atong kahibalo+ ug dili pa bug-os ang atong pagpanagna;+ 10  apan sa dihang kanang bug-os moabot na,+ kanang dili bug-os wagtangon. 11  Sa dihang ako bata pa, ako nagasulti ingon sa usa ka bata, naghunahuna ingon sa usa ka bata, nangatarongan ingon sa usa ka bata; apan karon nga ako hingkod na,+ ako nang giwagtang ang mga kinaiya sa usa ka bata. 12  Kay sa pagkakaron kita nagpakakita sa hanap nga dagway pinaagig metal nga salamin,+ apan unya kini maoy nawong sa nawong.+ Sa pagkakaron dili pa bug-os ang akong nahibaloan, apan unya ako tukmang mahibalo sama nga ako tukmang nahibaloan.+ 13  Hinunoa, karon nagpabilin ang pagtuo, paglaom, gugma, kining tulo; apan ang kinalabwan niini nila mao ang gugma.+

Mga Footnote