Samtang dinhi si Jesus sa yuta, gipakita niya nga gimahal gyod niya ang mga tawo, labina kadtong mga pobre ug nag-antos. (Mateo 9:36) Iya pa ganing gihatag ang iyang kinabuhi para nila. (Mateo 20:28; Juan 15:13) Sa dili madugay, iya na pong ipakita ang iyang gugma sa mga tawo pinaagi sa paggamit sa iyang awtoridad ingong Hari sa Gingharian sa Diyos aron taposon ang kapobrehon sa tibuok kalibotan.

 Gamit kining nindot nga mga pulong, gihisgotan sa Bibliya kon unsay himoon ni Jesus:

•   “Hinaot labanan niya ang mga timawa taliwala sa katawhan, hinaot luwason niya ang mga anak sa kabos.”—Salmo 72:4.

 Unsaon nato pagpakita ang atong apresasyon sa tanang gihimo ni Jesus para nato ug sa iya pang himoon sa umaabot? Ang usa ka paagi mao ang pagkat-on ug dugang bahin sa “maayong balita sa Gingharian sa Diyos,” nga maoy gisangyaw ni Jesus. (Lucas 4:43) Basaha ang artikulong “Unsa ang Gingharian sa Diyos?”