AWIT 38
Siya Magapalig-on Kanimo
-
1. Gipadayag sa Diyos ang kamatuoran;
Ikaw anaa na sa kahayag.
Nakita n’ya nga ang imong kasingkasing
Nangita gyod sa pagkamatarong.
Nanaad kang moalagad niya;
Laomi ang tabang ni Jehova.
(KORO)
Kay ang dugo sa Kristo ang naglukat nimo,
Palig-onon gyod ka sa Diyos nga Jehova.
Iya kang giyahan ug pagapanalipdan.
Palig-onon gyod ka sa Diyos nga Jehova.
-
2. Gihatag sa Diyos ang iyang bugtong Anak;
Gusto N’ya nga magmalamposon ka.
Kay ang iyang Anak wala n’ya ihikaw,
Makasalig kang lig-onon ka N’ya.
Di S’ya malimot sa imong gugma;
Atimanon gyod ka ni Jehova.
(KORO)
Kay ang dugo sa Kristo ang naglukat nimo,
Palig-onon gyod ka sa Diyos nga Jehova.
Iya kang giyahan ug pagapanalipdan.
Palig-onon gyod ka sa Diyos nga Jehova.
(Tan-awa usab ang Roma 8:32; 14:8, 9; Heb. 6:10; 1 Ped. 2:9.)
