Ang Diyos wala maglalang sa Yawa. Hinunoa, ang Diyos naglalang ug anghel nga sa ulahi nahimong Yawa, nga nailhan usab ug Satanas. Masabtan sa giingon ni Jesus nga sa una ang Yawa matinud-anon ug walay sala. Nan, sa sinugdan ang Yawa maoy matarong nga anghel sa Diyos.—Basaha ang Juan 8:44.

Ang anghel nga nahimong Yawa misupak sa Diyos ug naghulhog sa unang magtiayon sa pagduyog kaniya. Sa ingon gihimo niya ang iyang kaugalingon nga Satanas, nga nagpasabot ug “Magsusukol.”—Basaha ang Genesis 3:1-5; Pinadayag 12:9.

Sama sa ubang intelihenteng linalang sa Diyos, ang anghel nga nahimong Yawa may kagawasan sa pagpili tali sa pagbuhat sa matarong ug daotan, apan naugmad niya ang tinguha nga simbahon. Ang iyang tinguha nga himayaon mas labaw kay sa iyang tinguha nga pahimut-an ang Diyos.—Basaha ang Mateo 4:8, 9; Santiago 1:13, 14.

Sa unsang paagi padayong giimpluwensiyahan sa Yawa ang mga tawo? Angay ka bang mahadlok niya? Makita nimo ang tubag niini diha sa Bibliya.