Sa Isaias 15:7 ang manalagna naghubit sa nangikyas nga mga Moabihanon ingong nangalagiw dala ang ilang mga manggad tabok sa “bul-oganang walog sa mga alamo.” Kon ang ilang pagkalagiw maoy paingon sa H, nga lagmit mao gayod ang nahitabo, kini nga bul-oganang walog tingali nagtumong sa “bul-oganang walog sa Zered” (Num 21:12; Deu 2:13), nga nagsilbing utlanan tali sa Moab ug Edom dapit sa H. Ang bul-oganang walog sa Zered kasagarang gituohan nga mao ang Wadi el-Hasaʼ, nga nag-agos paingon sa H nga tumoy sa Patayng Dagat. Sa ubos nga bahin niini kini moagos agi sa usa ka gamayng patag nga may kalamakan sa ubang mga bahin ug sa ingon usa ka maayong dapit nga mabuhi ang mga alamo.​—Tan-awa ang ZERED, BUL-OGANANG WALOG SA.